20 мегапикселли Xiaomi-селфифони бугун сотувга чиқади
Бугун, яъни 2018 йилнинг 16 мартида Xiaomi Redmi Note 5 Pro смартфони расман халқаро бозорда сотувга чиқарилади. Ҳиндистонда бошланадиган савдоларга смартфоннинг бир қатор ўзига хос жиҳатларга эга талқини сотувга чиқарилади. Таниқли инсайдер Роланд Квандтнинг маълум қилишича, Xiaomi Redmi Note 5 Pro смартфони
кўп ўтмасдан Европа ва бошқа давлатларда ҳам сотила бошлайди.
Девайс Хитой ва Ҳиндистонда 218 АҚШ долларидан (4+64 Гб) бошлаб, 265 АҚШ долларигача (6/64 ГБ) сотилади.
Европада Xiaomi Redmi Note 5 Pro моделининг 32 ГБ ва 64 ГБ сиғимли доимий хотирага эга талқинлари сотувга чиқарилади. Кичик талқин 284, юқори талқин 320 АҚШ долларидан сотилади. Ҳозирча Европада сотиладиган Redmi Note 5 Pro қайси жиҳатлари билан фарқланиши маълум эмас.
Xiaomi Redmi Note 5 Pro модели 5,99 дюймли, IPS-матрицали ҳамда 2160 га 1080 пиксел (FHD+) сиғимли экрани, 8 ядроли Qualcomm Snapdragon 636 процессори (2,0 ГГц), 4/6 ГБ оператив хотираси билан ўзига хос. Экран 2.5D шаклидаги безак ҳамда Gorilla Glass ҳимоя шишаси билан қопланган.
Шунингдек, девайс бош камераси қўш сенсорли - 12 Мп + 5 Мп. Ва энг муҳим жиҳати - 20 мегапикселли селфи камераси.
Xiaomi Redmi Note 5 Pro қувватига жавобга бўлган аккумуляторнинг электр токи сиғими 4000 мА соат ва Quick Charge 2.0 функцияси ёрдамида уни ярим соатда 60 фоизга тўлдириш мумкин.
Шу билан бирга, X9 LTE мобил модеми алоқа сифати учун жавобгар бўлади. Айтиш керакки, Snapdragon X12 LTE мобил алоқа модеми Xiaomi Redmi Note 5 Pro'даги алоқа сифати учун масъул бўлган инновацион аппарат таъминотидир.
