200 доллар эвазига AMOLED дисплей ва 108МП камерали смартфон
Infinix ўзининг Note 12 сериясини кенгайтиришни давом этмоқда. Ушбу серияда Helio G96 чипи билан жиҳозланган Note 12, шунингдек, Note 12i, Note 12 VIP ва яқинда тақдим этилган Note 12 Pro 5G моделлари бор эди.
Ўтган ойда компания MediaTek Helio G99 чипига эга бўлган биринчи смартфонни тақдим этишини айтган эди. Янги Infinix Note 12 Pro 4G смартфони кеча AliExpress рўйхатида пайдо бўлди.
Янги Note 12 Pro 4G техник кўрсаткичлар бўйича 5G моделга ўхшайди. Смартфонга FullHD+ резолюциядаги 6.7 дюймли AMOLED дисплей, 33 ваттда қувват олувчи 5,000 мАс сиғимли аккумулятор ва стерео динамик ўрнатилган.
Камералар ҳақида маълумот берадиган бўлсак, қурилма 108МП асосий камера, 16МП селфи камера ҳамда иккита 2МП қўшимча камерларга эга.
Техник кўрсаткичларга диққат билан эътибор қаратсак, 4G моделни 5G моделдан фарқли томонлари борлигини ҳам кўришимиз мумкин. Мисол учун, 4G моделнинг корпус қалинлиги 7.8 миллиметр бўлиб, у 5G моделдан бироз ингичкароқ.
Қурилмадаги иккита SIM-карта қўйиш мумкин, хотирани эса microSD картаси билан кенгайтирса бўлади. Смартфонда NFC ва 3.5 мм аудио жек мавжуд.
Икки қурилма орасидаги энг катта фарқ бу - 4G моделнинг Helio G99 чипи билан жиҳозланлигида. 6 нанометрли жараён асосида яратилган чип 2.2 гигагертсли Cortex-A76 ва 2.0 гигагертсли Cortex-A55 ядролари ҳамда Mali-G57 MC2 гарфик процессорига эга. Қурилма 8ГБ тезкор (виртуал RAM билан 13ГБ гача кенгайтириш мумкин) ва 256ГБ доимий хотира билан жиҳозланган.
Infinix Note 12 Pro 4G кулранг ва кўк рангларда сотувга чиқади. Унинг нархи тахминан 275 долларни ташкил қилади. 18-22 июль санаси оралиғида эса смартфон нархи 200 долларга тушиши мумкин.
ЎҚИНГ: Xiaomi 200МП камерага эга бўлган смартфон тақдим этиши мумкин
