200 ваттда қувват олувчи смартфон тақдим этилди
iQOO 11 ҳамда iQOO 11 Pro смартфонлари расман тақдим этилди. Икки қурилма одатдагидек уч хил ранг чизиқли дизайнда ҳам бўлади. Бу iQOO ва BMW M брендларининг бирлашмасини билдириб туради. Ушбу дизайндаги модель iQOO 11 Legend версия деб аталади. Унинг орқа панели шиша тола ҳамда сунъий чармдан ишланган бўлиб, у, шунингдек, доғга қарши қопламага ҳам эга.
Икки қурилма 1440х3200 пиксел резолюциядаги 6.78 дюймли Samsung E6 AMOLED дисплейи билан жиҳозланган бўлиб, у 144 гертс частотада ишлайди ҳамда HDR10 имкониятини қўллаб-қувватлайди. Янги моделлар V2 чипидан фойдаланиб, юқори кадр даражасини сақлаб қолган ҳолда ўйин унумдорлигини оширади.
Икки қурилма 4 нанометрли Snapdragon 8 Gen2 чипи билан жиҳозланган бўлиб, у 8/12/16ГБ тезкор хотира ва UFS 3.1 кўра тезкорроқ бўлган UFS 4.0 хотираси билан бирлаштирилган.
Унумдорлик даражасини давом эттирадиган бўлсак, янги iQOO 11 смартфонларининг тезкор хотирасини 8ГБ гача кенгайтириш мумкин. iQOO бренди асосан юқори ўйин унумдорлигига асосланганлиги учун Vivo компанияси ушбу брендаги қурилмаларни совутиш тизими билан жиҳозлайди. iQOO 11 қурилмалари ҳам 4,013мм² ҳажмдаги совутиш қопламасига эга.
Камера техник кўрсаткичлари бўйича икки модель бир-биридан фарқланади. iQOO 11 модели 1/1.57 дюймли 50МП Samsung GN5 асосий камера, 13МП 3х “портрет“ камера ҳамда 8МП ультракенг камерага эга. Pro модель эса 1/1.49 дюймли 50МП Sony IMX866 сенсорли асосий камера, 50МП ультракенг камера ҳамда 13МП 3х “портрет“ камера билан жиҳозланган.
Сурат ва видеодаги шовқинни камайтириш мақсадида камераларга Pure Night View ҳамда 4К Super Night Video функциялари қўшилган.
Аккумулятор ҳажми ҳамда қувватлаш тезлиги ҳам икки моделда турлича. Оддий модель 120 ваттда қувват олувчи 5,000 мАс сиғимли аккумулятор билан жиҳозланган бўлса, Pro модель 200 ваттда қувват олувчи 4,700 мАс сиғимли аккумуляторга эга. Pro модель, шунингдек, 50 ваттда симсиз қувватлана олади. Афсуски, ушбу имконият оддий моделда йўқ.
iQOO 11 Pro моделига Хитойда олдиндан буюртма бериш 21 декабрь санасидан бошланади. Унинг нархи қуйидагича:
8/256ГБ - 689 евро
12/256ГБ - 750 евро
16/512ГБ - 820 евро
