200 ваттда қувват олувчи смартфон тақдим этилди

Hasanboy
1540
20.07.2022 08:53

Дунёдаги илк 200 ваттда қувват олувчи смартфон - iQOO 10 Pro модели тақдим этилди. У билан бирга iQOO 10 смартфони ҳам эълон қилинди. Ушбу модель эса 120 ваттда заряд олади.

Келинг, яхшиси смартфонлар билан яқиндан. Биринчи Pro моделдан бошлаймиз.

iQOO 10 Pro

Ушбу смартфон икки қисмга ажралган 4,700 мАс сиғимли аккумулятор билан жиҳозланган. Тўлиқ қувватланиш учун қурилма атиги 10 дақиқа вақт сарфлайди. Қуввлаш адаптери смартфон қутиси ичида бўлади.

Гаджет, шунингдек, 65 ваттгача бўлган USB Power Delivery (PPS) қувватлагичларини қўллаб-қувватлайди. Қурилма 50 ваттда симсиз заряд олиши ҳамда ўзидан заряд бериши мумкин.

iQOO 10 Pro янги Snapdragon 8+ Gen1 чипида ишлайди. Чип аввалги авлодига қараганда 10% юқори унумдорлик ҳамда қувват самарадорлигини тақдим этади. Шунингдек, у 8/12ГБ LPDDR5 тезкор ва 256/512ГБ UFS 3.1 доимий хотираси билан бириккан.

Смартфон Android 12 операцион тизимига асосланган OriginOS график қобиғида ишлайди. Унга 1,440 х 3,200 пиксел резолюциядаги икки четлари қайрилган 6.78 дюймли LTPO3 AMOLED дисплейи ўрнатилган бўлиб, у 120 гертс частотада ишлайди.

Snapdragon 8+ Gen1 чипсетига vivo V1+ чипи ҳам ёрдам беради. Ушбу чип ўйинларнинг кадрлар тезлигини ошириш учун интерполяциядан фойдаланади, натижада экраннинг юқори янгиланиш тезлигини бир маромда ушлаб туриш мумкин бўлади. Шунингдек, чип қувват сарфи ҳароратини назорат қилиб туради.

V1+ чипининг яна бир вазифаси мавжуд. У камерадан олинган тасвирларни қайта ишлашга ёрдам беради. Қурилмага асосий камера сифатида 50МП GN5 сенсори ўрнатилган бўлиб, у f/1.88 диафрагмада линзаси ва гимбал стабилизациясига эга. Шунингдек, орқа панелдан оптик стабилизация ва 3х зумни қўллаб-қувватлобчи 14.6МП телефото ва 150° кўриш бурчакли 50МП ультракенг камералар ўрин олган. Олд томонда 16МП селфи камера жойлашган.

Қурилманинг роми алюминийдан ясалган. Смартфонда X-axis ҳаптик двигатель ва стерео динамик мавжуд. Бармоқ изини аниқлаш учун ультра товушли сканер танланган, у бармоқни аниқлаш учун 0.2 сония вақт сарфлайди.

iQOO 10 Pro модели 26 июль санасида сотувга чиқади унинг нархи тахминан қуйидагича:

8/256ГБ - 740 доллар

12/256ГБ - 815 доллар

12/512ГБ - 890 доллар

iQOO 10

iQOO 10 кўп жиҳатдан Oro моделга ўхшайди. Унинг нархи Pro моделникидан пастроқ, шунга яраша, унинг аккумулятор ва камера техник кўрсаткичлари пасайтирилган.

Аккумулятор сиғими ҳамон 4,700 мАс, аммо бу ерда қуввлаш тезлиги энди 120 ватт. Тўлиқ қувватланиш учун қурилма 19 дақиқа вақт сарфлайди. Ушбу модель 65 ваттгача бўлган USB Power Delivery тизимли PPS қувватлагичларни қўллаб-қувватайди, аммо симсиз қуввлаш технологияси мавжуд эмас.

Ўзгаришлар камера модулида давом этади. Смартфонга Pro моделда бўлгани каби 50МП GN5 сенсори ўрнатилган, бироқ у гимбал стабилизацияси эмас, балки оддий стабилизацияга эга. Ультракенг камеранинг кўриш бурчаги 120° даражага қисқарган, шунингдек, унинг резолюцияси 13 мегапикселга пастлаган. Қурилма телефото камерага эга, бироқ у Pro моделиникига қараганда бироз оддийроқ, яни 12МП камера 2х зумни қўллаб-қувватлайди. Олд панелдан худди ўша 16МП селфи камера ўрин олган.

Смартфон Snapdragon 8+ Gen1 чипида ишлайди. Унга ҳам ўйинлар ва тасвир кадрларини яхшиловчи V1+ чипи ўрнатилган. Қурилма 8/12ГБ LPDDR5 тезкор ва 128/256/512ГБ UFS 3.1 доимий хотира билан жиҳозланган.

Оддий моделга ҳам 6.78 дюймли Э5 АМОЛEД дисплейи ўрнатилган. Бироқ дисплей резолюцияси бироз пасайтирилган ҳамда унда LTPO технологияси мавжуд эмас. Смартфон X-axis ҳаптик двигатель ва стерео динамиклар билан жиҳозланган.