200MP камера, хўш, нима қилибди?

200MP камера, хўш, нима қилибди?

Жанубий Кореянинг Samsung компанияси ўтган йилнинг сентабрида смартфонлар учун ўзининг дунёдаги энг биринчи 200MP камерасини тақдим қилган эди. Бугун эса компания унинг нималарга қодир эканлигини кўрсатадиган видеони ўз расмий саҳифасига жойлади.

HP1 сенсори тасвирларни қанчалик аниқ деталлар билан олишини кўрсатиб берилган ушбу видеода Samsung инжинерлари сенсорни махсус тест қурилмага қўшимча линза билан ўрнатган ҳолда мушукни суратга олишган. Фотографлар томонидан оптималлаштирилганидан кейин, расм 2.3 метр узунликдаги қисмлар билан принтер ёрдамида чиқарилган ва бир-бирига тикиб чиқилган. Натижада ҳосил бўлган 28х22 метр ўлчамдаги сурат шаҳардаги катта биноларнинг бирига илиб қўйилган.

Samsung'нинг ушбу 200 миллион пикселли камера сенсори бугунгача ҳеч қайси смартфонда дебют қилиб улгурмади. Бироқ бу июл ойига келиб ўзгариши мумкин, чунки Motorola компанияси тез орада ўзининг ана шундай катта сенсорга эга смартфонини чиқаришни режалаштирмоқда.

ЎҚИНГ: Leica камераларига эга бўлган Xiaomi смартфонининг жонли суратлари эълон қилинди

Хабарларни тез ва осон ўқиш учун Андроид иловамизни сақлаб олинг.