2018 йилги iPhone’лар суратларда солиштириб кўрилди
Тармоқларда жорий йилда Apple чиқаришни мўлжаллаётган янги iPhone’нинг уччала аппарати ҳам олд панели билан жонли суратларда намойиш қилинди. Фотосуратни латвиялик дизайнер Бенжамин Гескин (Benjamin Geskin) жойлаган ва уларни ушбу смартфонларнинг рендерлари билан таққослаган.
ЎҚИНГ:Galaxy Note 9 билан бирга Samsung яна иккита махфий қурилма кўрсатмоқчи
Бундан аввалги маълумотларга таянадиган бўлсак, келаётган кузда Apple иккита OLED-моделини чиқаради. Уларнинг диагонали 5,8 ва 6,5 дюйм бўлади. Янги iPhone X ва iPhone X Plus эса 6,1-дюймли «арзон» LCD-моделига эга бўлади, унинг шартли номи ҳозирча iPhone 9 деб айтилмоқда. Уларнинг бари ромсиз дизайнга эга бўлиб, фойдаланувчисининг юзидан танийдиган Face ID функцияси ва A12 тезлаштирилган процессор билан таъминланади. Аввалги икки модел эса иккита асосий камера, кичиги эса оддий битталик камера билан жиҳозланади.
Суратда ва рендерларда iPhone X, iPhone 9 ва iPhone X Plus смартфонларини бир-бири билан солиштириш мумкин. Шунингдек, 6,1-дюймли iPhone 9'нинг дисплейи атрофи янада қалинроқ рамкага эга эканини ҳам эслатиб қўйиш жоиз бўлади.
ЎҚИНГ:Apple'нинг кузда кутилаётган барча девайслари билан танишинг
