2019 йилда Meizu 17 чиқмайди, ўрнига...
Meizu 16th ва Meizu 16th Plus флагманлари чиққанига ҳали икки ҳафта ўтгани йўқ, лекин Meizu раҳбари Жек Вонг (Хуан Сючжан) компаниянинг келгуси топ аппарати ҳақида дастлабки маълумотлар билан ўртоқлашди.
Манбада келтиришича, янги Meizu флагмани Meizu 17 эмас, балки Meizu 16S деб аталади. Қурилма NFC-модули (ишониш қийин!), шишали қопқоқ ва симсиз зарядка билан таъминланади. Апарат тақдимотининг санаси номаълум, аммо миш-мишларга қараганда келаси йил май ойларида чиқиб қолса керак. Флагман ва унинг тавсифлари у ёқда турсин, ҳатто нархи ҳам ҳозирча аниқ эмас.
ЎҚИНГ:Meizu 16’ни бузиб кўрамиз: хўш, хитойлик флагман ўзида нималарни яширмоқда?
Нима бўлганда ҳам, келаси йили Meizu’дан замонавий, нисбатан арзон, кучли ва функцияларга бой Snapdragon 855 процессорида ишлайдиган смартфон кутиб қоламиз. Қурилманинг ташқи кўриниши келгуси бозор тенденцияларига боғлиқ бўлади, албатта. Бозор тенденциясини эса Apple’нинг сентябрда намойиш этиладиган янги флагмани белгилаб берса керак. Эҳтимол, Meizu 16S’нинг ташқи кўриниши келаси йили январда тақдимоти кутилаётган эгилувчан Samsung Galaxy X ва февралда намойиш этиладиган Galaxy S10 аппаратларининг ташқи кўринишидан келиб чиқилиб ишланар. Кўрамиз, кутайликчи!
ЎҚИНГ:MEIZU 16 ва MEIZU 16 PLUS: йилнинг энг енгил, энг юпқа ва энг кучли флагман смартфонлари
