2020 йилги қайси Samsung рекламаси истеъмолчиларга энг таъсир қилгани маълум бўлди
Ўтган йили чиқарилган Samsung рекламаларидан бири Kantar'нинг Ижодий самарадорлик мукофотида бешинчи ўринга лойиқ кўрилди. Бу билан Samsung барча мобил брендлардан пешқадам бўлди.
ЎҚИНГ: ТераТавсиф: Samsung Galaxy A52 5G
Маълумотлар таҳлили билан шуғулланувчи Kantar компанияси ўтган йили эълон қилинган 10 мингдан ортиқ рекламаларни таҳлил қилган ва уларнинг, истеъмолчи назарида, ижодий жиҳатдан самарадорлигини ўрганган. Кореялик техногигантнинг ушбу рўйхат топ ўнталигига қайси рекламаси киргани сизни ҳайрон қолдириши мумкин.
Samsung компанияси Heineken, Bosch, Burger King ва SheaMoisture каби компаниялардан кейинги бешинчи ўринни эгаллаган бўлса, олтинчи ва еттинчи ўринларда Milka ва Google турибди. Айнан қайси Samsung маҳсулоти рекламаси бу ўринни эгаллаганига тўхталсак, бу Galaxy Buds Live рекламасидир. Рекламани қуйида томоша қилишингиз мумкин:
YouTube'га жойланган реклама унчалик ҳам кўп томоша қилинмаган, ноябрдан буён 371 минг марта кўрилган. Шундай бўлса-да, реклама уни томоша қилганларга кучли таъсир қилган.
Моҳиятан, реклама ота-оналарни 2020 йилги каранатин сабаб концертларга бора олмаган фарзандларига Galaxy Buds Live симсиз қулоқчинларини сотиб олиб беришга ундайди.
Бироқ Kantar'нинг изоҳлашича, рекламанинг муваффақияти сабаби барча муваффақиятли рекламаларда бўлган бир неча умумий жиҳатларда ётади. Аниқроқ айтганда, реклама бренд учун ўзига хос ва бошқалардан ажралиб туради; у мазмунан ўзгача бўлиб, ҳиссий муносабатни келтириб чиқаради ва истеъмолчи билан суҳбатлашади.
Маълумот учун, Galaxy Buds Live қулоқчинлари 2020 йил август ойида тақдим қилинган эди.
ЎҚИНГ: Samsung яна кўплаб қурилмаларини One UI 3.1'га ўтказишда давом этмоқда. Тўлиқ рўйхат билан танишамиз
