2020 йилнинг энг, энг, энг... смартфони намойиш қилинди: «жонли» расмлар ва видео!
Кейинги кунларда Vivo Apex 2020 смартфони ҳақида бир қатор маълумотлар чиққан ва айримларини биз ҳам эълон қилганмиз. Ниҳоят, хитойлик компания ушбу инновацион қурилмасини расман тақдим қилди.
ЎҚИНГ: Яширин селфи-камерали илк смартфон атиги 5 дақиқада 50% қувват олади!
Аввал ҳам айтилганидек, Vivo Apex 2020 кўплаб параметрларига кўра биринчи ва рекордчи смартфон бўлган. Биринчидан, у қирралари максимал – 120 даражада қайрилган шаршара экранга эга. Иккинчидан, у мисли кўрилмаган – 120 ваттлик тезкор қувватлаш технологиясига эга.
Учинчидан, симсиз усулда нақ 60 ваттлик зарядлана олиши ҳам ҳозиргача бошқа бирорта моделда учрамайди.
Тўртинчидан, Vivo Apex 2020 шу пайтгача тақдим этилган смартфонлардагидан бошқача перископ камерага эга. Уларда бу камера маълум бир фокус масофасига эга, бошқа барча вариантлар дастурий таъминот асосида амалга оширилган. Vivo’нинг янги смартфонидаги ёзувларга кўра, унда 16 мегапикселлик камера 5 дан то 7,5 карраликкача зумга эга. Манбанинг таъкидлашича, унда линзалар тизими иккита силжимас ва иккита ўзгарувчан линзалар гуруҳини ўз ичига олган.
Бешинчидан, бош камеранинг асосий – 4 мегапикселлик модули яна супербарқарорлаштириш тизимига ҳам эга.
Олтинчидан, Vivo Apex 2020 олд камераси дисплейнинг остига яширилган биринчи смартфон ҳисобланади.
ЎҚИНГ: CES 2020: «Яширин камера»ли илк смартфонни кутилмаган компания намойиш қилди (+видео)
Бошқа техник хусусиятларига келсак, Vivo Apex 2020 диагоналига 6,45 дюймлик экран, Snapdragon 865 процессори, 12 ГБ тезкор ва 256 ГБ ички хотирага эга.
Мана, унинг расмий видеоролигини бирга томоша қиламиз:
Афсуски, олдинги авлоди – Vivo APEX 2019 (ёки APEX 2) сингари, Apex 2020 ҳам бозорга чиқарилмайди. Vivo уни ўзининг технологик ютуқларини намойиш этувчи концепт сифатидагина тақдим қилган. Бироқ ундаги технологияларнинг айримлари серияли тарзда ишлаб чиқариладиган Vivo Nex 4 моделида қўлланиши мумкин.
ЎҚИНГ: «Сайёрамиздаги энг қудратли смартфон» AnTuTu’да салкам 621 000 балл олди!
