2021 йилда энг кўп смартфон сотган компания номи маълум бўлди

2021 йилда энг кўп смартфон сотган компания номи маълум бўлди

Counterpoint таҳлилчилари 2021 йилдаги смартфонлар савдосини сарҳисоб қилишди. Смартфонлар савдоси 4% га ошиб, 1.39 миллиард донага етди. Шу билан бирга, тўртинчи чоракда савдо ҳажми 6% га камайди ва 371 миллион донани ташкил этгди. 

2021 йилда смартфон савдоси бўйича Samsung етакчи бўлди. Йил давомида компания 270.7 миллион дона смартфон сотди ҳамда унинг савдо ҳажми 6% га ошди. Apple ўтган йилда 237.9 миллион дона қурилма сотди, бу 2020 йилга нисбатан 18% га кўп деганидир. Бу борада Apple ўз рақобатчиси Samsung'га янада яқинлашиб олди. 

Xiaomi эса 190.4 миллион дона смартфон сотди. Компаниянинг бозор ҳажми 31% ўсиб, кучли учликни якунлади. Шу билан бирга, Apple ва Xiaomi учун 2021 йил натижалари барча даврларнинг энг яхшиси бўлди. Samsung учун бунинг акси: фақат 2020 йил бундан ҳам ёмонроқ бўлган эди. Умуман олганда, Samsung биринчи бешликдаги энг ёмон ўсиш суръатини қайд этди. 

Шунингдек, кучли бешликдан мос равишда 143.2 ва 131.3 миллион смартфон дона сотган Oppo ва vivo компаниялари ҳам жой олди. Ушбу икки компаниянинг савдо ҳажми мос равишда 28% ва 21% га ошди.  

Бозор етакчиларининг бундай юқори кўрсаткичлари қолган компанияларнинг савдо жами 18% га тушиб кетишига олиб келди. 

Шуни ҳам таъкидлаш жоизки, тўртинчи чоракда Apple 81.5 миллион дона смартфон сотган ҳолда Samsung'дан ўзиб кетди, бунга iPhone 13 сериясининг сотув ҳажми анча яхши бўлгани сабаб бўлган. 

Кучли ўнталикка кирган Motorola компаниясининг натижаларини алоҳида таъкидлаб ўтиш зарур. Кучли ўнталикдаги компаниялар орасида Motorola шиддат билан ўсиб бормоқда. 

ЎҚИНГ: Дунёдаги энг қиммат бренд номи маълум бўлди