2023 йилдаги илк Galaxy A смартфони тақдим этилди

2023 йилдаги илк Galaxy A смартфони тақдим этилди

Samsung яна бир янги смартфонни тақдим этди. Бу сафар бир неча ойдан бери миш-мишлари тарқалаётган Galaxy A14 5G модели расман эълон қилинди. 

Қурилма ўтган йилги Galaxy A13 5G моделига ўхшаш. Янгилик сифатида FHD+ резолюциядаги дисплей ҳамда яхшиланган 13МП селфи камерани айтиш мумкин. 

Galaxy A14 5G модели 90 гертс частотада ишловчи FHD+ резолюциядаги 6.6 дюймли IPS LCD дисплейи билан жиҳозланган. Қолган техник кўрсаткичлар бўйича янги модель эскисидан фарқ қилмайди. Яъни смартфон Dimensity 700 чипи, 4ГБ тезкор ҳамда microSD картаси билан кенгайтириш мумкин бўлган 64ГБ доимий хотирага эга. 

Орқа панелда 50МП асосий, 2МП макро ва 2МП сатҳ камералар жойлашган. Қурилмадаги 5,000 мАс сиғимли аккумуляторни 15 ватт тезликда қувватлаш мумкин. 

Смартфон Android 13 операцион тизимига асосланган One UI 5 график қобиғида ишлайди. Унинг қора, яшил, қизил ва оқ рангли турлари мавжуд. Қурилманинг нархи 200 долларни ташкил қилади. Савдолар 12 январдан бошланади. 

ЎҚИНГ: Ҳамёнбоп янги Galaxy смартфони тақдим этилди 

Сайтимизнинг энг чиройли расмларини Инстаграмдаги саҳифамизда томоша қилинг!