2030 йилда 6G тармоқларининг пайдо бўлиши кутилмоқда

2030 йилда 6G тармоқларининг пайдо бўлиши кутилмоқда

Жаҳон бозори бешинчи авлод (5G) мобил алоқа технологиясининг тижоратли жорий этилиши остонасида турибди. Шу билан бирга, аллақачон олтинчи авлод 6G  концепцияси устида дастлабки ишлар бошлаб юборилган. Бу ҳақда “Gizchina” нашри маълум қилди.

5G тармоғи назарий жиҳатдан 20 Гбит/с. ўтказиш қобилиятини таъминлайди.

ЎҚИНГ: ЭКСКЛЮЗИВ ВИДЕО: 5G тармоғида ишлаётган Galaxy S10’ни «жонли» томоша қиламиз!

4G/LTE билан солиштирилганда бундай сервислар камроқ кечикишлар билан бирлик майдонига нисбатан анча кўп сонли қурилмаларга хизмат кўрсатиш имкониятига эга бўлади. 5G технологияси кутилаётганидек, бутунлай рақамли интеллектуал олам асосида амал қилади. Турли мамлакатларда 5G технологиясининг тестдан ўтказилиши ва синовли жорий этилиши амалга оширилмоқда. Прогнозларга мувофиқ, 5G стандарти операторлари орасидаги етакчилар 2019 йилдаёқ уни кенг кўламли ва тўлақонли миқёсда жорий эта бошлайдилар.

Истиқболда 5G ўрнига олтинчи авлод мобил тармоқлари келади. Бундай сервислар маълумотлар узатишнинг жуда катта тезлигини (терабит даражасида) таъминлайди. Бундан ташқари, 6G тармоқлари ҳатто сув остидаги ҳам қамровни таъминлай олади. Таъкидланишича, кўплаб мамлакатларда, жумладан, Россия, Қўшма Штатлар ва бошқаларда 6G технологиясига қизиқиш билдирилмоқда. Маълум қилишларича, олтинчи авлод мобил алоқа технологиясининг тижоратли жорий этилиши 2030 йилдан илгари бошланмаса керак.

ЎҚИНГ: Нидерландияда юздан ортиқ қушнинг ўлимига сабаб бўлган 5G синовини UzMobile Ўзбекистонда ҳам ўтказди

Сайт янгиликларидан доимий хабардор бўлиш учун Телеграм каналимизга қўшилинг!