2030 йилгача барча автомобиллар электромобилга алмаштирилади!
Исроил 2030 йилгача бензин ва дизель ёнилғисини тўлиқ рад этади — барча автомобиллар электромобилларга алмаштирилади, 2030 йилдан бошлаб дизель ва бензинли воситаларни Исроилга олиб киришга рухсат берилмайди, шунингдек, ёнилғида ишлайдиган автомобил сотиб олиш мумкин бўлмайди. Бу ҳақда "Reuters" ахборот агентлигида Исроил Энергетика вазири берган маълумотига асосланиб “Spot” хабар бермоқда.
Ички ёнув двигателларига эга барча автомобиллар электромобилларга, шунингдек, табиий газда юрадиган воситаларга алмаштирилади.
Вазир Ювал Штайнитснинг сўзларига кўра, мамлакатнинг вазифаси маҳаллий саноатнинг бензин ва дизель двигателларидан воз кечишга ва экологик тоза транспорт режимига ўтишига имкон берадиган “энг муҳим омиллар"ни аниқлашдир.
ЎҚИНГ: Ўзбекистон интернет хавфсизлиги тўғрисидаги Париж чақириғини қўллаб-қувватлади
Шунингдек, вазир "ҳукумат электромобилларга ўтишни рағбатлантириш учун ушбу турдаги транспорт воситаларини солиққа тортишни деярли нолга туширишга интилаяпти", дея таъкидлаб ўтди. Шу тарзда электромобиллар нархи одатдаги ёнилғида ишлайдиганларидан сезиларли даражада арзонлашади.
Штайнитс таъкидлашича, ҳукумат янги инфратузилмани барпо этишни фаол қўллаб-қувватламоқда, бу билан янги турдаги транспорт хизматларини узлуксиз таъминлаш мумкин бўлади.
"Мамлакатимизда қувват станциялари қурилмоқда. Бугунги кунда ушбу янги қурилмаларнинг 2 мингдан ортиғи қурилган", — деди Рейтер Штайнитс "Reuters" ахборот агентлигига берган интервьюсида.
Электр транспорт воситаларига ўтиш Исроилга бензин, дизель ва кўмирдан бутунлай воз кечиш учун катта миқёсли режанинг бир қисмидир. Сўнгги йилларда мамлакатда табиий газ улкан захиралари топилган, шунинг учун Исроил янги турдаги ёқилғи турига эга станцияларни модернизация қилишга киришди.
Штайнитс сўзларига кўра, мамлакат учун ўтиш даври тахминан 2025 йилга тўғри келади. Экспертларнинг тахмин қилишича, бу вақтга қадар Исроил йўлларида 177 мингга яқин электр транспорт воситалари ҳаракатлана бошлайди. Статистикага кўра, мамлакатда ҳозирда фақат бир неча ўнлаб электромобиллардан фойдаланилмоқда.
2025 йилдан кейин электр автомобил сотиб олиш ва эгалик қилиш анча осонроқ ва арзон бўлади, шунинг учун вазир мамлакатдаги транспортнинг 2030 йилдан 1,5 миллионга кўпайишини кутаяпти.
"2030 йилдан бошлаб ҳеч кимга дизель ва бензинли воситаларни Исроилга олиб киришга рухсат бермаймиз", — деди Штайнитс.
Барча янги автомобиллар электрли бўлади. Жамият ва юк ташиш транспорти ҳам электрли бўлади ёки сиқилган табиий газда ишлайди.
