205 долларлик Redmi Note 7 Pro февралдан сотувга чиқади!
Xiaomi компанияси ўтган ҳафтада Redmi Note 7 смартфонини расман тақдим этиб, 15 январдан унинг савдосини ҳам бошлаган. Terabayt.uz сайтида ушбу смартфоннинг турли синовлари акс этган видеолавҳалар, суратлар ва бошқа маълумотлар эълон қилинган.
Энди эса «хитойча Apple» ушбу смартфоннинг янада такомиллаштирилган версияси – Redmi Note 7 Pro моделини ҳам тайёрлаганини маълум қилди. Инсайдерлар берган янги маълумотлар эса унинг турли хусусиятларига аниқлик киритган.
Жумладан, Redmi Note 7 Pro смартфони Qualcomm компаниясининг ўртача смартфонларга мўлжалланган янги чипи – Snapdragon 675 базасидаги илк девайслардан бири бўлади. Смартфоннинг тезкор хотираси 6 гигабайтгача, ички хотираси эса 128 гигабайтгача талқинларда бўлади.
ЎҚИНГ: «ЖОНЛИ» ВИДЕО: Xiaomi дисплейнинг ҳамма жойи сканерли смартфон тайёрлади!
Қуйидаги сурат Xiaomi’нинг ёпиқ тақдимотидан олинган, дейишмоқда:
Redmi Note 7 Pro ҳам худди Redmi Note 7 сингари 48 мегапикселлик қўш камера билан жиҳозланади, аммо янги моделда Samsung GM1 эмас, балки Sony IMX586 оптик сенсори қўлланади.
Хитойлик инсайдерларнинг Weibo тармоғи орқали маълум қилишларича, Redmi Note 7 Pro шу йилнинг февралиданоқ сотувга чиқарилади. Унинг тезкор/доимий хотираси 4/64 гигабайтлик версияси 205 долларга, 6/128 гигабайтлиги эса 220 долларга баҳоланиши кутилмоқда.
ЎҚИНГ: Навбатдаги Xiaomi флагманининг тақдимот санаси эълон қилинди