23 августда тақдим этилаётган «учкўз» Oppo R17 Pro флагмани iPhone X’дан зўр! (+видео)

  •   DiMaX
  •  1382
  •  17.08.2018 15:52

23 августда тақдим этилаётган «учкўз» Oppo R17 Pro флагмани iPhone X’дан зўр! (+видео)

Яқиндагина рекордчи ромсиз ва бетакрор Find X флагманини тақдим этган Oppo компанияси яна турли моделлардаги смартфонлар устида ишламоқда. Жумладан, яқинда унинг Oppo R17 русумли қурилмаси ҳақида маълумот чиққанди, энди эса унинг «Pro» версияси хусусида янгилик ҳамда унинг видеоси ҳам тарқалди.

ЎҚИНГ: Gorilla Glass 6 илк бор OPPO смартфонида қўлланяпти, тақдимот кейинги ҳафтада!

Oppo R17 Pro флагмани Snapdragon 710 процессорига ҳамда алмашувчи диафрагмали уч модулли асосий камерага эга. Бу камера жорий йилнинг июнида яна бир хитойлик компания томонидан тақдим этилган ToF 3D технологиясига эга бўлишини айтишмоқда.

ToF 3D технологияси нафақат смартфонни қулфдан чиқаришда эгасининг юзини таниш, балки қурилмани ҳаводаги имо-ишоралар ёрдамида бошқариш, ҳатто атрофдаги жисмларни сканерлаш учун ҳам қўлланиши мумкин. Агар миш-мишлар рост бўлиб чиқса, Oppo R17 Pro камераси купертиноликларнинг суперфлагманини ҳам ярим йўлда қолдириб кетади.

ЎҚИНГ: Қарши олинг: iPhone X’даги Face ID’дан ўн карра аниқ технологияни Vivo яратди! (+видео)

Лекин қизиғи шундаки, ToF 3D технологияси Oppo R17 Pro селфи-камерасига эмас, балки асосий – орқа камерасига жорий этилмоқда. Демак, у эгасининг юзини сканерлаб қулфни очишга эмас, балки бошқа мақсадларда, масалан – тўлдирилган реаллик иловаларини ишлатишга хизмат қилади.

Oppo компанияси аллақачон R17 Pro моделига айни шундай камера ўрнатаётганини расман тасдиқлаган. Яъни, Weibo ижтимоий тармоғида ушбу флагманнинг реклама ролигини эълон қилган. Келинг, уни бирга томоша қиламиз:

Бармоқ изи сканери дисплейга ўрнатилган Oppo R17 Pro флагмани кейинги ҳафтада – 23 август куни расман намойиш этилади. У ҳақдаги маълумотлардан биринчилар қаторида бохабар бўлиб бориш учун биздан узоқлашманг.

ЎҚИНГ: S9'дан 10 карра яхши Oppo Find X арзон нархда сотувга чиқди

Хабарларни тез ва осон ўқиш учун Андроид иловамизни сақлаб олинг.