24-дюймли йиғиладиган проектор-экран яратилди (видео)

Hi-tech.mail.ru сайтининг маълум қилишича, AROVIA компанияси йиғиладиган экран конструкциясига эга бўлган портатив проекторни намойиш қилди. Модель бевосита батареядан ишлайди.

Проекторга ПВХ материалидан ясалган йиғиладиган 24-дюймли экран ўрнатилган. Экран аниқлиги HD форматида. SPUD деб номланган мазкур гаджетнинг оғирлиги бор-йўғи 900 грамм. Йиғилган ҳолатда гаджет ўртача катталикдаги китоб шаклида бўлади.

Проекторга телефон, ноутбук ёки компьютерни HDMI порт орқали улаш мумкин. Ўртача ёрқинликда проектор 6 соат давомида ишлайди (максимум ёрқинлиги – 785 нит).

Портатив проектор тахминан 349 доллар нархида 2017 йилнинг бошида сотувга чиқади. Гаджет мобил шароитда кўп ишлайдиган фойдаланувчиларга жуда қўл келади.