25 фоиз мегабайт қўшиб бериладиган акция муддати 6 сентябргача узайтирилди!
Mobiuz алоқа оператори 2020 йилнинг 6 июль санасидан ойлик интернет-тўпламлар учун «MEGAbaytlar +25%» акциясини эълон қилган эди. Унинг доирасида абонентлар интернет-тўпламларни харидида ўша тўпламдаги мегабайтлар ҳажмининг 25 фоизи миқдорида қўшимча трафикка эга бўладилар.
ЎҚИНГ: «1+1 (дақиқалар + SMS)» акцияси: SMS-тўпламни совғага олинг!
Компаниянинг расмий сайтида маълум қилинишича, «MEGAbaytlar +25%» акциясининг амал қилиш муддати узайтирилмоқда. Энди Mobiuz абонентлари аввал белгиланганидек 6 августгача эмас, балки яна бир ой – 6 сентябргача ундан фойдаланишлари мумкин.
Тўпламга киритилган трафик ҳажми 30 кун муддатга тақдим этилади. Фаоллаштирилган интернет-тўпламдаги мегабайтлар қолдиғини билиш учун *102# USSD-буйруғидан фойдаланиш ёки 616019 рақамига 3 сонини юбориш керак.
Ушбу акциянинг шартлари билан батафсил танишиш учун мазкур ҳавола орқали оператор сайтидаги тегишли саҳифага ўтишингиз мумкин.