26 декабрь – персонал компьютер “Йил одами” деб эълон қилинган сана

26 декабрь – персонал компьютер “Йил одами” деб эълон қилинган сана

1982 йилнинг 26 декабрь санасида машҳур Time журнали персонал компьютерни  “Йил одами” деб эълон қилди. Бундай ном 1927 йилда ушбу журналга асос солингандан бери биринчи маротаба одамга эмас, балки машинага берилаётган эди. Журнал бундай қарорни 1982 йилда айнан компьютер миллонлаб одамларнинг турмушига таъсир кўрсатгани билан изоҳлаган, деб ёзади Ferra сайти.

Журналда нашр қилинган мавзуга доир мақолада, журнал персонал компьютерларни (улар телефон орқали тармоқларга бирлашганда) чегарасиз имкониятларга эга деб эътироф қилган. Қизиғи, ўша пайтда Интернет асосини ташкил қиладиган TCP/IP технологияси ҳали ишланма босқичида бўлган эди, холос. WWW тармоғи эса ушбу воқеадан 11 йил ўтибгина яратилади.

Аслида 1982 йилда Time журнали версияси бўйича Стив Жобс (Apple компанияси асосчиси) йил одами деб танланиши кутилган эди, бироқ журнал бундай мақомга персонал компьютерни лойиқ кўради 🙂

Сайтимизнинг энг чиройли расмларини Инстаграмдаги саҳифамизда томоша қилинг!