4 март куни Xiaomi'нинг сизга тайёрлаган яна бир совғаси бор!
Куни кеча Redmi Note 10 4G/5G ва Redmi Note 10 Pro 4G/5G смартфонлари 4 март (4/3/21) куни тақдим қилиниши ҳақида ёзган эдик. Энди тарқалган хабарларга кўра, Xiaomi худди шу куни Redmi Note 10 Pro Max смартфонини ҳам эълон қилади.
ЎҚИНГ: Xiaomi энг зўр камерофони ва ҳамёнбоп флагманига Android 11 тарқатяпти
Ҳозирга қадар Redmi Note 10 моделлари борасида жуда ҳам кам маълумотга эгамиз. Расмий маълумотга кўра, қурилмалар 4 март куни тақдим қилинади, улар Gorilla Glass шишаси билан ҳимояланган, IP52 даражасидаги чанг ва сувдан ҳимояга эга бўлади. Камида битта смартфон ясси экран, айланасимон селфи камера тирқиши, қайрилма орқа панель ва ён томонда жойлашган бармоқ изи сканери билан жиҳозланади.
Инсайдерлардан бири берган яна бир хабарга кўра, Redmi Note 10 серияси таркибида камида учта: Redmi Note 10, 10 Pro ва 10 Pro Max қурилмалари бўлади. Тахминимизча, реклама баннерларидаги смартфон стандарт Redmi Note 10 бўлиши керак. Ушбу модель 120Hz LCD панель ва Snapdragon 735G чипига эга бўлиши айтилмоқда. Pro модель эса OLED дисплей, юқори частотали аудио, 108МП асосий камера, тезкор қувватлаш ва Snapdragon 750G SoC'га эга бўлади.
Redmi Note 10 Pro Max смартфони ҳақида ҳозирча жуда кам маълумотга эгамиз. Айтишларича, девайснинг 8/128ГБ ва 6/128ГБ лик талқини бўлади. Ранги эса уч хил: кўк, қора ва бронза бўлиши кутилаётир. Номидан келиб чиқиб айтиш мумкинки, ушбу модель Pro версиядан кўра каттароқ экран ёки аккумуляторга эга бўлади.
Ҳозирча бизда бор маълумотларнинг бари шугина холос. Смартфонлар ҳақида батафсил #XiaomiRedmiNote104G, #XiaomiRedmiNote105G, #XiaomiRedmiNote10Pro4G, #XiaomiRedmiNote10Pro5G, #XiaomiRedmiNote10ProMax ҳештеглари орқали ўқинг.
ЎҚИНГ: Xiaomi’нинг илк электромобили шахсан компания раҳбарининг назоратида!
