400 маротаба сиғимлироқ нано-батарея технологияси кашф қилинди
Мобиль қурилмалар учун илғор аккумуляторлар ишлаб чиқариш устида олиб борилаётган изланишлар натижасида, АҚШда қувват сиғими айни пайтдаги қувват тошларидан 400 маротаба юқорироқ бўлган батареялар яратиш технологияси кашф қилинган.
Ирвин Калифорния университети олимлари томонидан олиб борилаётган тадқиқот натижалари Америка Кимё жамиятининг журналида чоп этилган.
Мазкур технология органик шишани эслатувчи гелдан ташкил топган электролитга жойлаштирилган олтин наноўткзгичларни марганец оксиди билан қоплаш эвазига кашф қилинган.
Нано-ўтказгич мобиль қурилмалар учун аккумулятор ишлаб чиқаришда кенг фойдаланилаётган жуда ингичка проводник бўлиб, улар электронларни сақлаш ва узатиш вазифасини бажаради.
Бугунги кунгача нано-ўтказгич симлардан фойдаланишда юзага келган муаммолар уларнинг синувчанлиги, яъни мўртлиги ва даврий қувватлаш сабаб юзага келар эди. Улар ҳозирги анъанавий литий-ионли аккумуляторларда синовдан ўтказилганида бу проводниклар тез ишдан чиққан.
Аккумулятор ичида металл оксидидан фойдаланилгани ингичка симларнинг пишиқлигини таъминлар экан.
Минг маротаба тезкор қувват олиш имконига эга нано-ўтказгич симлар кейинги авлод мобиль қурилмаларининг аккумуляторларини алмаштиришга зарурат қолдирмайди.
Шу муносабат билан, ушбу кашфиётдан компьютер, маиший техника воситалари, смартфонлар, электромобиллар ва ҳаттоки самовий кемалар ишлаб чиқариш саноатида кенг фойдаланилиши кутилмоқда.
