48 МПлик камерали Redmi Pro 2 – «тешик» экранли энг арзон смартфон ҳам тайёр! («жонли» расмлар)

  •   DiMaX
  •  4123
  •  11.12.2018 10:35

48 МПлик камерали Redmi Pro 2 – «тешик» экранли энг арзон смартфон ҳам тайёр! («жонли» расмлар)

«Хитойча Apple» ўзининг ҳамёнбоп Redmi туркумидаги флагман моделини тайёрлаётгани ҳақида куни кеча ёзгандик. Redmi Pro 2 деб номланувчи ушбу смартфоннинг асосий камераси 48 мегапикселлик датчикка эга.

ЎҚИНГ: 290 долларлик Redmi Pro 2 флагмани чиқяпти: 48 МПлик камера ва Snapdragon 675 чипли!

Энди инсайдерлар шу қурилма ҳақида навбатдаги маълумотни тақдим этишди. MyDrivers нашрининг саноатдаги ўз манбасига таяниб хабар беришича, Redmi Pro 2 модели экранида BOE компанияси томонидан тайёрланган LCD-матрица қўлланади.

Арзон туркумдаги флагман экранининг пастки қисмида кичикроқ ҳошия бўлса-да, дисплейнинг бошқа томонлари умуман ромсиз дизайнга эга. Энг асосийси – худди кечагина расман намойиш этилган Honor View 20 ҳамда Samsung Galaxy A8s смартфонларидаги сингари, Redmi Pro 2 экранида ҳам олд камера учун «тирқиш» очилган!

Мана, кутилмаганда интернетда унинг «жонли» суратлари ҳам чиқди:

Ҳозиргача тарқалган маълумотларга кўра, бу гаджет Qualcomm Snapdragon 675 процессорига эга. Шунингдек, унинг асосий камераси уч модулли бўлиб, улардан бири 48 мегапикселлик Samsung Isocell Bright GM1 датчиги қўлланади.

Xiaomi президенти аввалроқ таъкидлаганидек, Redmi Pro 2 моделини 2019 йилнинг январида тақдим этишади. Унгача эса «хитойча Apple»нинг бир қатор смартфонларини 809 000 сўмдан бошланувчи нархларда Terashop.uz интернет-дўконимиздан онлайн усулда харид қилиш имкони мавжуд.

ЎҚИНГ: Mi 8 Pro ҳам Terashop.uz’га етиб келди, Xiaomi смартфонлари арзонлашди (2018 йил 12 декабрь) – харидингиз Ўзбекистон бўйлаб бепул етказилади!

Хабарларни тез ва осон ўқиш учун Андроид иловамизни сақлаб олинг.