5 карра «йиртқич» Redmi Note 9: тақдимот куни, нархи ва илғор хусусиятлари!

  •   DiMaX
  •  4133
  •  03.03.2020 09:45

5 карра «йиртқич» Redmi Note 9: тақдимот куни, нархи ва илғор хусусиятлари!

Xiaomi вице-президенти ҳамда Xiaomi India раҳбари Ману Кумар Жейн (Manu Kumar Jain) кеча – 2 март куни Redmi Note 9 намойиш санасини расман эълон қилди. Шу билан бирга, бестселлер бўладиган ушбу қурилманинг айрим техник хусусиятларига ҳам ойдинлик киритилди.

ЎҚИНГ: MIUI 11 прошивкасида Redmi 10X 4G ва яна учта янги Redmi смартфони «топилди»!

Шундай қилиб, Redmi Note 9 модели (ва катта эҳтимол билан, Redmi Note 9 Pro версияси ҳам) 12 март куни оммага расман кўрсатилади. Тизерга кўра, унинг бош камераси квадрат блокка олинган тўртта сенсордан ташкил топган.

Ману Кумар Жейн қўшимча қилишича, Redmi Note 9 камераси ҳали биз смартфонларда кўрмаган қанақадир хусусиятга эга. Компания унинг ҳатто профессионалларни ҳам ҳайратга солишини таъкидлаб, #ProCamerasMaxPerformance ҳэштеги билан илгари сурмоқда.

ЎҚИНГ: Энг арзон Redmi смартфони – энди атиги 70 доллардан!

Ҳиндистонлик таниқли инсайдер Ишан Агарвал (Ishan Agarwal) эса Redmi Note 9 туркумининг расмий постерини ҳам қўлга киритган ва эълон қилган. Компаниянинг таъкидлашича, бу смартфоннинг дизайни «энг яхшиларидан ҳам аъло» бўлади.

Шунингдек, Redmi бу смартфонининг «Йиртқич» (Beast) эканлигини постерда нақ беш жойда таъкидлаган: Redmi Note 9 Pro шунақа камерага, дизайнга, процессорга, ўйин имкониятларига ва супертезкор қувватлаш технологиясига эга.

Бундан ташқари, Ишан Агарвал ёзишича, Redmi Note 9 Pro нархи 200 доллар атрофида бўлади.

ЎҚИНГ: Redmi 9, Redmi Note 9 ва Note 9 Pro тақдимоти олдидан Redmi K30 5G арзонлашди!

Сайтимизнинг энг чиройли расмларини Инстаграмдаги саҳифамизда томоша қилинг!