5,000 мАс аккумулятор, 48МП камера ва Android 11'га эга навбатдаги «йиртқич» — Galaxy M32 5G'нинг техник жиҳатлари маълум бўлди

Samsung ўзининг Galaxy M32 5G смартфонини намойиш қилишга тайёр — янги маҳсулот Ҳиндистонда расман 25 августда намойиш этилади. Аммо Amazon Ҳиндистон вебсайтида қурилманинг расмий тасвирлари ва асосий хусусиятлари аллақачон пайдо бўлди.

ЎҚИНГ: Samsung Galaxy А22 5G'нинг техник жиҳатлари ва қадоқ таркиби билан танишамиз

Galaxy M32 5G смартфони 5G модемли MediaTek Dimensity 720 SoC'га эга бўлиб, 6,5 дюймли HD+ IPS Infinity-V дисплейи билан жиҳозланган. Орқа камералар 48, 8, 5 ва 2 мегапикселли бўлиб, олд камера резолюцияси 13 мегапикселни ташкил этади.

Смартфон Android 11 базасидаги One UI 3.1 интерфейсида ишлайди. Смартфон иккита асосий тизим янгиланишини олиши ваъда қилинган, яъни Galaxy M32 5G Android 13'гача янгиланади.

Galaxy M32 5G'да аудио жек бор. Смартфон қалинлиги 9,1 мм, оғирлиги эса 205 граммни ташкил этади. Нархлар ҳозирча номаълум, лекин техник кўрсаткичларни инобатга олсак, Galaxy M32 5G модели 5G алоқасини қўллаб-қувватловчи линейканинг энг арзон моделларидан бири бўлиши аниқ.

ЎҚИНГ: Ҳамёнбоп Galaxy смартфонига август ойи янгиланиши келди