5G-модемли «чўнтакбоп» ўйин ноутбуки чиқди! (+видеолар)
Ихчам ноутбукларни ишлаб чиқариши билан танилган One Netbook компанияси ўзининг навбатдаги лаптопини намойиш қилди. OneGX 1 номли мазкур қурилма асосан геймерларга мўлжалланган.
ЎҚИНГ: Компьютер ва ноутбукда ишни қулайлаштирувчи бешта бепул дастур
OneGX 1 онлайн ўйинлар учун тезкор 5G-модем ҳамда оригинал дизайни билан эътиборлидир. One Netbook таъкидлашича, ўта ихчамлигига қарамасдан, бу гаджет ҳар қандай блокбастер ўйинни «кўтара олади».
Чўнтакка солиб ҳам кетавериш мумкин бўлган OneGX 1 экрани диагоналига 7 дюймга тенг, у тасвирларни 1920х1080 пикселлик аниқликда етказиб бера олади. Ноутбук корпуси орқа томонида ҳамда клавиатура остида RGB-ёритқичлар мавжуд.
ЎҚИНГ: Windows 10 тизимли компьютер ёки ноутбук «қотиб» қолса...
One Netbook ушбу ноутбук самарадорлигини таъминлаш учун ўзгача йўл тутган: уни кучли аппарат қисмлари билан таъминламасдан, балки «булутли» сервислардан фойдаланиш қулайлиги ва тезлигига асосий эътиборни қаратган. Яъни, ўйинларнинг «силлиқ» ўйналишига масофадаги серверларнинг аппаратлари жавобгар, OneGX 1 эса улар билан тезкор боғланишни таъминлаб турувчи 5G-модем билан жиҳозланган.
OneGx1
— One-netbook official (@OnenetbookO) May 12, 2020
World's first 5G compatible 7-inch Cloud Gaming UMPC#OneGx1prototype #Gundam #Detachablecontroller #RGBkeyboard #5G #GamingPC pic.twitter.com/BjIDRytcPR
Аввалроқ маълум қилинишича, OneGX 1 «электрон юраги» тарзида 10 нанометрлик Intel Tiger Lake Y процессори қўлланган. Ноутбукнинг аккумулятори 10 000 мА/соатлик ток сиғимига эга.
ЎҚИНГ: ЎҚИНГ: Энг кучли компьютер харидида энди 1000 доллардан 4000 долларгача тежаш мумкин!
Портатив ўйин консолига ўхшаб кетишидан ташқари, One Netbook унга яна симсиз геймпад ҳам қўшган.
One Netbook ҳозирча мазкур маҳсулотининг бозорга чиқиш вақтини ҳамда нархини ошкор этмаган.
Эслатиб ўтамиз, бошқа компаниялар ҳам ўта ихчам ва антиқа компьютерлар намойиш этишган. Масалан, биз Q-Stick – 8 ГБ «оперативка»ли компьютер-брелок ҳақида, шунингдек, энг митти – 1х1 миллиметрлик IBM нано-компьютери тўғрисида ҳам хабарлар эълон қилганмиз. Яна дунёдаги энг митти ўйин ноутбуки, энг митти ноутбук-планшет кабилар ҳақида маълумотлар берганмиз. Ҳаттоки ташриф қоғозига визиткага жойланган компьютерҳам чиққан ва жуда арзон – 2,88 долларга баҳоланган! Атиги 188 долларлик Odyssey X86J4105800 мини-компьютери эса Windows, Linux ва Arduino билан ишлай олади!
«Охирзамон компьютери» ҳамда «Охирзамон операцион тизими» ҳақидаги маълумотлардан хабарингиз бормиди?
