6 ГБ “оперативка”ли Galaxy S8 нархи маълум бўлди
Samsung компанияси яқиндагина тақдим қилинган Galaxy S8 ҳамда S8+ флагманларининг 6 гигабайтли тезкор хотира ўрнатилган талқинини ҳам ишлаб чиқаришни йўлга қўймоқчи. Янги талқиннинг доимий ички хотира сиғими 128 ГБ бўлади. Айни пайтда Galaxy S8‘нинг 4 ГБ тезкор хотирада ишлайдиган версияси тақдим қилинган.
Янги талқин Хитойда электроника маҳсулотларини сертификатловчи TENAA муассасаси рўйхатидан ўтказилганига қараганда, кореялик IT-гигант ушбу девайсларни Хитой бозори учун тайёрламоқда. Нашрларда ёзилишича, 6 ГБ тезкор хотирага эга Galaxy S8+ смартфони янада қимматроқ баҳода бозорга чиқарилади.
Жумладан, ETNews нашрининг ёзишича, 6/126 ГБ хотирали Galaxy S8+ Хитойда $1,030 доллардан сотилади. Аввалдан буюртма берган хитойликлар смартфон билан бирга, 150 АҚШ доллари турадиган, смартфондан персонал компютер сифатида фойдаланиш имконини берадиган DeX док-станциясини совға сифатида олишади.
