6 ёшли болакай ўйинлар учун 16 минг доллар сарфлаб юборгани маълум бўлди
AppleInsider сайтининг хабар беришича, 2020 йилнинг ёзида 6 яшар болакай iPad учун чиқарилган Sonic Forces ўйнининг ички харидлари учун App Store'да 16 минг АҚШ доллари сарфлаб юборган.
АҚШнинг Коннектикут штати Вилтон шаҳрида яшовчи Жессика Жонсон бир неча ой давомида ўз кредит картасидан пул маблағлари ечиб олинганини сезиб қолган. Маблағлар Apple ички харидларига йўналтирилган бўлган. Ушбу харидларни Жонсон хонимнинг кенжа ўғли Жорж амалга оширган. Жорж Sonic Forces ўйнида қайта-қайта электрон пул сотиб олган.
The New York Post нашрининг ёзишича, болакай июлдан бошлаб бир неча ой давомида жами 16,293.10 АҚШ доллари сарфлаб юборган. Жорж, аввалига, 1.99 дан тортиб 99.99 долларгача бўлган қўшимча пакетларни сотиб олган. 25 июлга бориб, жами харажатлар 2,500 доллардан ошган.
Жонсон хоним аввалига бу ўтказмаларни аввалига қаллоблик ёки шунчаки хато деб ўйлаган. Аёл ўзининг Chase банкини фирибгарликда айблаб судга мурожаат қилгач, кўрсатилган харажатлар ростдан ҳам ҳақиқий экани маълум бўлган. Жонсон хонимга Апплеъга мурожаат қилиш маслаҳат берилган.
Apple билан боғланганида эса компания аёлнинг пулларини қайтаришдан бош тортган, сабаби Жонсон хоним Apple билан харидлар амалга оширилганидан 60 кун ичида боғланмаган эди. Apple Call-марказидагилар Жонсон хонимга ўта расмий муносабатда бўлиб, iPad'ларда харажатларни чеклаб қўювчи параметрлар борлигини ва уларни созлаб қўймаганини билдирган.
Бироқ Жонсон хоним iCloud'га уланган аккаунтидан пул ечилганида эмаил билдиришнома олганда ҳам нима сабабдан сергак тортмагани қизиқ.
Жонсон хоним олдиндан эҳтиёт чораларини кўрмаганини тан олиб, аккаунтдан пул ечилишини чеклаб қўювчи созламалар борлигидан бехабарлигини айтган. «Албатта, агар бу учун созлама борлигини билганимда, 6 яшар ўғлимнинг виртуал олтин тангалар сотиб олиш учун 20,000 долларга яқин пул сарфлашига йўл қўймаган бўлардим», дея қўшимча қилади она.
Аёл, шунингдек, ўйин ишлаб чиқарувчи компанияларни ёш болаларни харидларга қизиқтиришда ҳам айблаган: «Қайси бир катта одам бир сандиқ виртуал олтин танга учун 100 доллар сарфлаган бўларди?» дейди у.
Apple бир неча йиллардан буён ота-оналар назорати опцияларини тақдим қилиб келади. Ушбу созламалар ёрдамида ота-оналар iPhone, iPad'лар ёки Mac компьютерларида фарзандларининг харидлар амалга оширишини чеклаб қўйиши мумкин.
Компания, шунингдек, микросайт ҳам ташкил қилган бўлиб, унинг ёрдамида ота-оналарга фарзандларининг сарф-харажатларини чеклаш бўйича йўл-йўриқлар кўрсатиб келади.
Воқеаларнинг қандай тус олишига қизиқаётган бўлсангиз, Terabayt.uz сайтини кузатишда давом этинг.
ЎҚИНГ: Apple'ни яна судга беришди
