7 октябрь – штрихкод патентланган сана

7 октябрь – штрихкод патентланган сана

1952 йилнинг 7 октябрь куни америкалик ихтирочилар Норман Джозеф Вудлэнд ва Бернард Сильвер ўзига хос инновация – штрих-кодни патентладилар. Албатта, аввалида мазкур ихтиро бироз бошқача номланган бўлиб, кейинчалик халқаро миқёсда “штрих-код” (инглизча barcode) деб атала бошлаган. Вудлэнд ва Сильвер ўз ихтироларини “Classifying Apparatus and Method” (Таснифлайдиган аппарат ва метод) атамаси остида патентлашган. Ихтиро махсус идентификация белгилари билан предметларни таснифлашга мўлжалланган. Ихтирочилар мазкур кашфиёт патентини ўша замоноқ 15 минг долларга сотиб юборишади.

458858

Штрих-коддан тижорат мақсадида биринчи марта 1966 йилда фойдаланилган. Технология жадаллик билан оммалашиб бориб, натижада Logicon Inc. компанияси UGPIC (Universal Grocery Products Identification Code) тизимини йўлга қўяди ва уни озиқ-овқат дўконларига татбиқ этади. 1974 йилда Огайо штатидаги Marsh’ супермаркетида сотилган Wrigley’s Juicy Fruit  сақичи штрих-код орқали кассадан ўтказилган дунёдаги биринчи маҳсулот бўлади.