8K форматидаги Dell монитори март охирида сотувга чиқади

8K форматидаги Dell монитори март охирида  сотувга чиқади

Бундан бир неча кун илгари HDMI ташкилоти кенгайтирилган динамик диапазонли 8К аниқлигидаги контентни қўллаб-қувватлайдиган HDMI 2.1 стандартининг жорий этгани тўғрисида маълум қилган эди. Кеча эса Dell компанияси айнан мана шу форматдаги (7680х4320 пиксель )экранга эга 32 дюймли UP3218K мониторини намойиш қилди.

The Verge нашрининг ёзишича, монитор экранининг ҳар дюймига 280 та пиксель сиғдирилган. Алюмин корпусдаги дисплей  AdobeRGB ва  sRGB гаммасидаги 1,07 млрд рангни узатишга хизмат қилади.

Ҳозирча Dell`нинг ушбу қурилмаси билан фақат Sharp томонидан ўтган йилнинг октябрь ойида тақдим этилган, бироқ ҳалигача сотувга чиқмаган 27 дюймли 8К монитори рақобат қилиш мумкин. Dell компаниясининг қайд қилишича, мазкур юқори форматдаги аниқликка эга бўлган монитор фотограф, график дизайнерлар ва бошқа ижод кишиларига мўлжалланган.

Dell UP3218K 23 мартда $4999 нархида сотувга чиқиши кутилмоқда.

Сайт янгиликларидан доимий хабардор бўлиш учун Телеграм каналимизга қўшилинг!