"Абитуриент рухсатномаси"ни онлайн юклаб олганлар сони 515 000 дан ошди!
https://ruxsatnoma.dtm.uz/ орқали имтиҳонга кириш рухсатномасини юклаб олган абитуриентлар сони 500 мингдан ошди. Бу ҳақда ДТМнинг Telegram'даги расмий саҳифаси хабар бериб ўтган.
Эслатиб ўтамиз: ўзлари рухсатнома чиқариб олиш имкониятига эга бўлмаган абитуриентлар кундузги таълим шакли учун бугундан бошлаб 26 июлгача қуйидаги муассасаларга мурожаат этган ҳолда рухсатномаларини олишлари мумкин:
- Давлат хизматлари марказлари;
- Олий таълим муассасалари қабул комиссиялари;
- Бандликка кўмаклашиш марказлари.
Сиртқи ва кечки таълим шакллари учун эса 27-29 июл кунлари мурожаат этишлари мумкин.
Ушбу муассасалар ходимлари томонидан “Абитуриент рухсатномаси” абитуриентларга бепул чоп этиб берилади.
"Абитуриент рухсатномаси"ни қандай олиш мумкинлиги бўйича мана бу ерда танишишингиз мумкин.
ЎҚИНГ: «Ўзбектелеком» интернет тезлигини икки баробаргача оширяпти!
