Acer Aspire S 13 – Dolby Audio функциясига эга ноутбук

Acer Aspire S 13 – Dolby Audio функциясига эга ноутбук

Тайваннинг Acer компанияси Россияда Aspire S 13 моделидаги ноутбук сотувларини бошлади. Янги ноутбук юпқа корпус ва қулай эргономикага эга. Қурилма Windows 10 операцион тизимида ишлайди. Ўз сегментидаги бошқа ноутбуклардан Acer Aspire S 13 қамровли товушни таъминлайдиган Acer TrueHarmony ва Dolby Audio форматларини қўллаб-қувватлаши билан ажралиб туради. Бундан ташқари, модель созланадиган профиль ва интеллектуал функциялар татбиқ этилган интерфейсга эга бўлган.

Қурилмага 13-дюймли Full HD аниқлигидаги IPS дисплей ўрнатилган. BluelightShield  технологияси эса экрандаги зарарли зангори нурлар таъсирини камайтиришга хизмат қилади.

5P3Rt9g4K6Ucbz20LxCUt0CUQMElv6u

Acer Aspire S 13 олтинчи авлод Intel Core i7/i5/i3U процессорларида ишлайди, унга 8 ГБгача тезкор хотира ўрнатилиши мумкин. Қурилмадаги доимий хотира сиғими эса 512 ГБни ташкил қилади. 54 Вт/ст сиғимли аккумулятор 13 соатли автоном ишлашни таъминлайди.

5P3Rtfw4K6Ucbz20LxCUt0CUQMElv6u

Ташқи қурилмаларни ноутбукка улаш учун максимум тезлиги 5 Гбит/с бўлган USB Type-C порти ва мобиль гаджетларни зарядлашга хизмат қиладиган USB 3.0 слоти кўзда тутилган.

Acer Aspire S 13 ноутбуки Россияда 69 990 рубль (тахминан $1124) нархида сотилмоқда. Тез кунларда Ўзбекистон бозорига ҳам кириб келиши кутилмоқда.