Acer Swift 3 ва Swift 7 ноутбуклари сотувга чиқарилди

Шу йилнинг сентябрь ойи аввалида Берлинда ўтказилган IFA – 2016 кўргазмасида Acer компанияси Acer Swift 3 ва Swift 7 ноутбукларини намойиш қилган эди. Орадан қарийб бир ярим ой ўтгач ушбу ноутбукларнинг халқаро савдолари бошланди.

Acer Swift 3 модели 14 дюймли Full HD экран, 8 ГБгача тезкор хотира ва 256 ГБ SSD билан жиҳозланган. У олтинчи авлоддаги Intel Core i5 Skylake процессорида ишлайди. Гаджет Microsoft Windows 10 операцион тизими ўрнатилган. Нархи 650 долларни ташкил қилади.э

Acer Swift 7 ноутбуки эса еттинчи авлод Intel Core i5 Kaby Lake процессори ёрдамида фаолият юритади. Корпусининг қалинлиги – 10 мм, оғирлиги – 1,4 килограмм. Унга 13,3 дюймли Full HD aниқлигидаги экран, 8 ГБгача тезкор ва 256 ГБ SSD ўрнатилади. Қурилма батареяси ундан 9 соат давомида фойдаланишга кифоя қилади. Ҳар иккала моделда 3.1 версиядаги USB-C портлари кўзда тутилган. Acer Swift 7  ноутбуки 1000 АҚШ доллари нархида сотувга чиқарилган.