Acer Switch 7 Black Edition — жаҳондаги илк вентиляторсиз гибрид планшет
Acer Switch 7 Black Edition — жаҳондаги илк вентиляторсиз гибрид ва мустақил видеокартага эга ноутбук.
Мустақил (дискретной) видеокарта учун ноутбукнинг "она платаси"да алоҳида чип ўрнатилади ва у алоҳида хотирага эга бўлади. Натижада, видео-карта ноутбукнинг бош процессорига халақит қилмайди ва мустақил ишлайди. Бу эса гаджетнинг юқори самарадорлигига хизмат қилади.
Switch 7 Black Edition — Acer компаниясининг энг кучли мобил персонал компютерларидан бири, бўлса ажаб эмас. Пресс-релизда ёзилишича, Switch 7 Black Edition «2 таси 1да» тамойилида ишлаб чиқарилган жаҳондаги илк вентиляторсиз ноутбук.
Acer тизимни салқинлатишда СО LiquidLoop суюқлигидан фойдаланилганини маълум қилган бўлса ҳам, бу тизим ҳақида батафсил тўхталмаган.
Switch 7 Black Edition'да кўпроқ планшетга хос жиҳатлар мужассам. Ўзига хос жиҳатларга ўтсак, Switch 7 Black Edition биринчилардан бўлиб 8-авлод, 4 ядроли Intel Core i7 процессорига эга бўлган. Ўйин ўйнаш учун унда махсус GeForce MX150 3D-картаси ўрнатилган.
Планшетнинг ўзи 1,15 кг тош босади. Аппарат диагонали 13,5 дюйм, сиғими 2256 х 1504 пикселли IPS дисплейга эга. Шунингдек, гаджет стилус, бармоқ излари сканери, AutoStand подставкаси, 10 соатга етадиган аккумулятор билан таъминланган.
Switch 7 Black Edition шу йилнинг декабридан 1700 доллар баҳосида сотувга чиқарилади.
