Acerнинг янги геймерлари савдога чиқмоқда
Ҳадемай, янги Predator Helios 300 ва 500 ноутбуклари, Predator Orion 3000 ва 5000 шахсий компьютерлари ўз эгаларини топса ажабмас. Чунки, куни кеча Acer компанияси ҳақиқий геймерларга янги ноутбук ва шахсий компьютерларини намойиш этди.
ЎҚИНГ: Acer Nitro 5 – олти ядроли Coffee Lake-H процессорига эга илк ўйинбоп ноутбук такдим этилди
Predator Helios 300 ва 500
Acer’нинг Predator Helios 300 Special Edition ноутбуки 144 Гц бўлган 15,6-дйюмли Full HD экран, Intel Core i7 8 чи авлод процессори билан жиҳозланган, шунингдек у Nvidia GeForce GTX 1060 видеокартаси ва 16 гигабайтли тезкор хотира (энг кўпи 32 ГБ)га ҳам эга. Бундан ташқари, SSD сиғими 512 ГБ гача, NVM ва HDD-хотира ташувчиси 2 ТБ’гача бўлади. Аммо, уларнинг нархи қанча ва чиқадиган куни ҳақида ҳозирча маълум қилинмади.
Acer Predator Helios 500 Full HD ва частотаси 144 Гц’га янгиланган 17,3 дюймли 4K-экранга эга, 8 чи авлоддаги Intel Core i9 процессори билан жиҳозланган. Ноутбукнинг видеокартаси Nvidia GeForce GTX 1070, 64 гигабайтгача тезкор хотирага эга, қаттиқ диски 2 ТБ гача бўлган Intel Optane, шунингдек, NVM интерфейсли SSD – буларнинг барчаси қурилманинг имкониятларини янада оширишга қаратилган. Қурилмада Killer DoubleShot Pro тармоқ адаптери ҳам мавжуд. Ушбу ноутбук май охирида бозорга чиқарилади, нархи 1999 евродан бошланади.
ЎҚИНГ: Acer смартфон қалинлигидаги қудратли ультрабукини тақдим этди
Predator Orion 3000 ва 5000
Acer геймерлар учун яна иккита шахсий ўйин компьютерини ҳам чиқарди. Улар Predator Orion 3000 ва 5000 моделларидир . Биринчиси GTX 1060 видеокартали 8-чи авлод Intel Core i7 процессорига эга, иккинчисига эса иккита Nvidia GeForce GTX 1080 Ti видеокарта жойлаштирилган. Predator Orion 3000 нархи 1299 евродан бошланади. 500-чи модел учун эса, камида 1499 евро тўлашга тўғри келади.
