Афсонавий Nokia 3 та смартфон билан бозорга қайтади
Маълумотларга кўра, Nokia компанияси 2016 йилнинг охирига қадар 3 та янги смартфон моделини ишлаб чиқаришни режалаштирган. Бу ҳақда Weibo хитой хизматига асосланиб хабар тарқатди Nokiapoweruser ахборот портали.
3 смартфондан биринчиси
Weibo хитой ахборот хизматида Nokia компанияси режалаштирган уч смартфондан биринчисининг фотолари эълон қилинди. Гаджетнинг дизайни, жумладан, корпус шакли, пластик қопламаси ва қуйи қисми iPhone 6s`га ўхшаб кетади.
Клавиатура борасида эса табиий савол туғилади? Nokia гаджетнинг бу қисмни сенсордан қиладими ёки анъанавий тугма кўринишида бўладими? Балки қурилмага иккови ҳам жорий қилинар?! Вақти келса, барчаси маълум бўлади.
Тақдимот санаси
Бир оз аввал компания икки смартфон ишлаб чиқариши, улар 5 ва 5,5 дюйм экранга эга бўлиши, Android тизимида ишлаши ҳақида маълумот берилган.
2014 йилда эса Nokia мобиль қурилмалар бозорига қайтиши ҳақида расман эълон қилганди. Бироқ Microsoft билан мавжуд келишувга мувофиқ, компания 2016 йилнинг тўртинчи чорагига қадар маҳсулот чиқара олмайди. Хабарингиз бўлса, Microsoft компанияси Nokia`нинг йиғиш ва хизмат кўрсатиш бўлимини сотиб олган.
