Афсонавий Nokia ҳақида 20 қизиқарли факт

Афсонавий Nokia ҳақида 20 қизиқарли факт

Nokia тарихида кўпчилик билмайдиган ёки унутган кўплаб фактлар мавжуд. Фин брендининг тараққиёти билан боғлиқ 20 та афсонавий фактни эслаш вақти келди.

1.Компанияга ХIХ асрда асос солинган.Компания тарихи 1865 йил тоғ муҳандиси Фредерик Идестам кичик қоғоз фабрикасига асос солган пайтдан бошланган деб ҳисобланади. 1871 йилда компания «Nokia Ab» номи билан қайта номланган.

2. Nokia ўз вақтида шиппаклар ишлаб чиқарган.

1967 йилда учта компания бирлашди: Finnish Rubber Works, Finnish Cable Works заводлари ва Nokia Ab. Бирлаштирилган компания бешта асосий йўналишга эга бўлди: резина буюмлар, кабеллар, электроника, ёғочни қайта ишлаш ва электр энергиясини ишлаб чиқариш.

3. Шахсий компьютерлар ишлаб чиқарилган.80-йилларда Nokia Data бўлими компьютер бўлими MicroMikko шахсий компьютерларини ишлаб чиқаришни бошлади. Бу бизнес-шахсий компьютерлар бозорида биринчи қадам эди. Биринчи модель MicroMikko 1'нинг чиқиши 1981 йил 29 сентябрда IBM PC даврига тўғри келди.

4. Компаниянинг биринчи телефонлари Mobira маркаси остида чиқарилган.1987 йилда компания Mobira Cityman 900 телефонини тақдим этди, уни ўзингиз билан қўлда кўтариб юриш мумкин эди (оғирлиги 760 грамм). Айнан шу телефонда Михаил Горбачев Финляндияда туриб Москвадаги Алоқа вазири билан боғланган. Ушбу расмдан кейин кўпчилик телефонни «Gobra« деб номлаган.

5. Мулоқот таймери ҳаммада бир хил эмас.Кўпгина Nokia телефонларида мулоқот таймери суҳбат бошланганида эмас, балки қўнғироқ вақтида ёқилган. Бироқ, S60 платформасидаги телефонларнинг трубкани кўтаргандан кейин ёқиладиган таймери стандард ҳисобланган.

6. Nokian шиналари.1988 йилда Nokia Renkaat компаниядан ажралиб чиқди, у 1967 йилдан бери компаниянинг «резина» бўлими бўлганди. Ўшандан бери Nokian Renkaat'нинг Nokia'га ҳеч қандай алоқаси йўқ.

7. Nokia MGTS билан ҳамкорлик қилган.

1989 йилда Nokia MGTS билан ҳамкорликда қўшма корхона «AMT» ташкил этган, у Москвада уяли алоқа, пейжинг ва PBX хизматларини кўрсатиш билан шуғулланади. Кейинчалик Nokia улуши MGTS'га сотиб юборилган.

8. Хелсинки шаҳридан GSM телефонларида биринчи пуллик қўнғироқ амалга оширилган.1991 йилда GSM стандартли уяли телефонда биринчи пуллик қўнғироқ амалга оширилди. Айтиш керакки, тармоқнинг ўзи Nokia томонидан ишлаб чиқарилган ускуналардан қурилган. Бу қўнғироқни Финляндия Бош вазири Харри Холкери амалга оширган.

9. Дунёга машҳур шиор дарҳол пайдо бўлмаган.1992 йилда «Connecting people» («Одамларни бирлаштириш») деган машҳур ибора компаниянинг реклама шиори сифатида пайдо бўлган.

10. Nokia телефонларининг шу қадар машҳур бўлиб кетганидан компания уларни етказиб беришга улгурмаган.

Фин брендининг дунёда ўта оммалашиб кетиши 1990 йилларнинг ўрталарида катта логистика инқирозига олиб келди. Компания қурилмаларни етказиб беришга улгурмаган, етказиб бериш муддати эса чўзилиб кетган - буларнинг барчаси компаниянинг обрўсига путур етказди. Логистика инфратузилмасини ўз вақтида алмаштириш компанияни инқироздан сақлаб қолган.

11. Nokia рингтонини машҳур мусиқачилар басталашган.

Стандард рингтонлар орасида «The Village», «Stones» ва «Close my eyes» ларни топишингиз мумкин. Бу қўшиқлар айнан Nokia шарофати билан машҳурликка эришган Plain Jane Automobile Indian-rock гуруҳининг қўшиқлари эди.

12. Машҳур рингтонга мелодия 1902 йилда ёзилган.

Бутун дунёда таниқли бўлган рингтон 1902 йилда испан мусиқачиси Франсиско Таррега томонидан ёзилган Гран Вальс гитара асарининг эски мусиқасига асосланган.

У 1994 йилда Nokia 2100 церийали телефонларида пайдо бўлган, аммо у «Nokia tune» номини, фақатгина 1998 йилга келиб Фин брендининг телефонлари билан бирлашгандан кейин олган.

13. СМС овози шунчаки танланмаган.

Фойдаланувчиларга шунчаки оддий сигнал бўлиб туюладиган Нокиа қурилмаларининг стандард овози (СМС хабар овози), аслида тўлиқ маънога эга хабардир. Бу сигнал фақат Морзе алифбоси ёрдамида узатилган. Шундай қилиб, СМС овози шифр ёрдамида ёзилган Short Message Service қисқартмаси ҳисобланади.

14. Ascending — бу шифр.

«Ascending» мелодияси ҳам шифрланган хабар ҳисобланади. Бу хабар компания шиори «Connecting people»нинг айнан ўзидир.

15. Nokia узоқ вақт давомида энг йирик телефон ишлаб чиқарувчи бўлган.1998 йилга келиб, телекоммуникация соҳасига GSM'даги дастлабки инвестицияларни жалб қилган ҳолда, Nokia дунёдаги энг йирик мобил телефон ишлаб чиқарувчисига айланди. Ушбу етакчилик 2007 йилгача давом этди.

Nokia'нинг 2007 йилги ноябрь сонида Нокиа мобил телефонлар қироли деб номланган.

16. Apple Nokia технологияларидан нусха олган.2009 йилда Nokia Apple компанияси устидан 10 та патентни бузганлиги бўйича судда ғалаба қозонди, уларнинг ютуқлари биринчи авлод iPhone'да ишлатилган. Натижада, Apple Nokia'га компенсация тўлади ва яқинда имзоланган патент битимига кўра, у ҳали ҳам катта фоиз тўлашни давом эттирмоқда.

17. Nokia 3310 — афсона.Nokia 3310 компания тарихидаги энг муваффақиятли моделлардан бири саналади. Охирги 17 йил ичида у 126 млн нусхадан кўп сотилган.

18. Nokia қурилмалари анчадан бери ўз ватанида тайёрланмаяпти.

Уяли алоқа секторининг барча ишлаб чиқариш қувватлари Осиё мамлакатларида жойлашган. Охирги марта мобил телефон 2012 йилда Финляндия конвейеридан чиқарилди. Энди барча AA-брендлари ўз маҳсулотларини осиёлик ишчилар ёрдамида ишлаб чиқармоқда.

19. Microsoft Nokia'ни арзимаган пулга сотиб олган.

2013 йил 3 сентябрь куни Microsoft Nokia'нинг уяли телефон бўлимини барча патентлари билан сотиб олганлигини эълон қилди. Бу даражадаги корпорация учун сотиб олиш нархи жуда паст эди - Nokia бизнеси 5 миллиард долларга баҳоланган, яна 2,18 миллиард долларлик патентлар учун.

20. Компания бир неча бор планшетлар чиқарган.Сўнгги уриниш 2014 йилда, уяли телефон бўлими сотилганига қарамай, амалга оширилди. Ўшанда компания Nokia N1 планшетини тақдим этган эди.

Энди Nokia ҳақида нима дейиш мумкин?

Компания Microsoft қўл остига ўтгандан сўнг, фойдаланувчилар катта қисмининг эътиборидан қолиб кетди. Аммо, бу вақтинчалик бўлиб чиқди.

HMD Global ва FIH Mobile компаниялари Nokia'нинг брендлар ва интеллектуал мулк ҳуқуқларини босқичма-босқич, тугмачали телефонлардан бошлаб, барча патентлар ва эски дизайнларига қадар сотиб олди.

HMD Global корпорацияси эски Nokia'нинг қуввати билан қайта туғилди, FIH Mobile эса Foxconn компаниясининг тармоғи бўлиб, уларнинг асосида ҳозирги қурилмалар ишлаб чиқарилмоқда. Шундай қилиб, фин бренди энди тўгри қўлларга ўтди деб айтишимиз мумкин.

Бундай қисқа вақт ичида ҳеч бир компания шунча хилма-хил портфолио билан старт олмаган. Ҳозир фин корпорациясининг маҳсулотларини расмий равишда 80 дан ортиқ мамлакатларда сотиб олиш мумкин.

Nokia 8

 

2017 йилда корпорация томонидан 10 турдаги телефон ва смартфон чиқарилди. Қисқача айтганда, Nokia бренди улкан қадамлар билан тобора кучайиб бормоқда.

ЎҚИНГ: Ўтмишга назар: Nokia 1202'ни хотирлаб

Сайтимизнинг энг чиройли расмларини Инстаграмдаги саҳифамизда томоша қилинг!