Афсонавий туркумнинг янги ўйининини бутунлай бепул олиб қўйишга улгуринг! (+видео)

Ubisoft компанияси ҳозирда асосан Assassin’s Creed ҳамда Tom Clancy’s ўйинларининг турли қисмларини ишлаб чиқмоқда. Лекин франциялик ушбу ўйинсоз бир пайтлар Rayman туркуми билан машҳур бўлган.

ЎҚИНГ: Суперқаҳрамонлар файтинг-ўйинини 25 июнгача PS4, Xbox ҳамда компьютерга бутунлай ва бепул олиб қўйинг (+видео)

Ҳозирда кўпчиликнинг эсидан ҳам чиқиб кетган, янги авлод геймерлар унча билмайдиган Rayman туркумининг навбатдаги ўйини чиқди. Лекин уни Ubisoft эмас, балки бир ҳаваскор дастурчи тайёрлаб, буткул бепул тақдим этди!

Ўйиннинг янги талқини Rayman Redemption деб номланган ва Рэйман исмли йигитча саргузаштлари ҳақидаги биринчи қисмга ўхшаб кетади. Бироқ ўйинсоз бу маҳсулотини янги контент билан бойитган: унда янгича оламлар, олдин мавжуд бўлмаган босқичлар ва ичида яна турли мини-ўйинлар бор.

Лойиҳа муаллифи – Ryemanni унинг устида нақ уч йил ишлаган ва геймерларнинг илк хулосаларига кўра, яхши чиққан. Rayman Redemption ўйинини мана бу ҳавола орқали бутунлай бепул юклаб олиш мумкин. Лекин шошилганингиз маъқул, чунки Ubisoft ўйинсозни кўчирмакашликда айблаб, бу ўйинни олдириб ташлаши мумкин.

ЎҚИНГ: Индиана Жонс изидан: бу саргузашт ўйинни 25 июнгача олиб қўйиб, бир умр бепул ўйнанг!