Афсонавий ва қадрдон Counter-Strike’ни энди браузернинг ўзиданоқ ўйнай оласиз!

Нисбатан катта ёшли геймерлар орасида Counter-Strike 1.6 ўйнаб кўрмаган киши бўлмаса керак. Ҳозирда бутун дунё Counter-Strike: Global Offensive версиясига ўтиб ҳам кетган.

ЎҚИНГ: Counter-Strike: Global Offensive ўйини энди бепул бўлиб, унга «Battle Royale» режими ҳам қўшилди!

Counter-Strike 1.6 талқинини эса энди браузерда ўйнаш имконияти тақдим этилди. Бунинг учун ҳаваскорлар тайёрлаган лойиҳанинг сайтига мана бу ҳавола орқали кириш ва авторизациядан ўтиш, кейин эса мос келувчи ўйин режими ва харитага эга серверни танлаш кифоя.

Ўйинга уланиб, керакли файллар юклангач, геймернинг кўз олдида ўша афсонавий шутер намоён бўлади. Гарчи онлайн тарзда бўлса-да, Counter-Strike 1.6 бемалол ўйналади ва бутун дунёдаги геймерлар бунга иштиёқ билан киришишган.

Лекин бир жиҳатини эсда тутиш лозим: серверга уланганда, ўйин айрим файлларни компьютерингизга вақтинча юклаб олади. Улар орасида зиёнкор дастурий таъминот ҳам тушиб қолиши мумкин, аммо ҳозирча бундан ҳеч ким шикоят қилмаган.

ЎҚИНГ: 18 июнгача нақ саккизта ўйинни буткул олиб қўйиб, кейин бир умр бепул ўйнанг! (+видеолар)