Аккумулятор унумдорлиги бўйича ушбу смартфон DxOMark рейтингида биринчи ўринга чиқиб олди

Аккумулятор унумдорлиги бўйича ушбу смартфон DxOMark рейтингида биринчи ўринга чиқиб олди

DxOMark лабораторияси асосан профессионал камера ва линзалар, шунингдек, смартфон камераларини тавсифлаб, уларга баҳо беради. 

Яқин йиллардан бери DxOMark смартфонларнинг аккумуляторларини ҳам баҳолашни бошлади. 

Шу пайтгача рейтингда 89 баллни қўлга киритган iPhone 13 Pro Max смартфони биринчи ўринни эгаллаб келаётган эди. Шунингдек, худди шундай натижага OnePlus Nord CE, vivo Y72 ҳамда Xiaomi T11 қурилмалари ҳам эришишга муваффақ бўлган эди. 

Бироқ яқинда Oppo Reno 6 5G смартфони 96 балл билан ўз тақибчиларни ортда қолдирган ҳолда рейтингнинг биринчи поғонасига чиқиб олди. 

DxOMark'нинг таъкидлашича, ушбу юқори балл ортида Oppo компаниясининг 65W SuperVOOC 2.0 тез зарядлаш тизими турибди. 0% дан 100% гача қувват тўплаши учун қурилма 35 дақиқа вақт сарфлайди. Бундан ташқари, беш дақиқа зарядлаш аккумуляторнинг 10 соат ишлаш муддатини таъминлайди. 

Смартфондан ўртача даражада фойдаланилганда унинг аккумулятор автономлик вақти 57 соатни ташкил этди. 

Эслатиб ўтамиз, Oppo Reno 6 5G смартфони 4,300 мАс сиғимли аккумулятор билан жиҳозланган. Қурилма Dimensity 900 чипи ҳамда FullHD+ резолюция ва 90Hz экран янгиланиш частотасини қўллаб-қувватловчи 6.43 дюймли AMOLED дисплейига эга. 

ЎҚИНГ: Galaxy S22 сериясидаги смартфонларининг нархлари маълум бўлди 

Сайтимизнинг энг чиройли расмларини Инстаграмдаги саҳифамизда томоша қилинг!