Alcatel биратўла 4 камерали смартфон чиқара қолди

Alcatel биратўла 4 камерали смартфон чиқара қолди

Alcatel томонидан Дубайда тақдим қилинган Alcatel Flash моделининг 2017 йилги талқини, гарчи ўрта нархли Android смартфонлар сирасига кирса ҳам, нақ 4 та камера билан таъминланган. Мобил алоқа воситасида бармоқ излари сканери кўплаб ўзига хос технология-функциялар ҳам бор.

LG V20 гаджетини ҳисобга олмаганда, Alcatel Flash тўрт камерали айни пайтда ноёб смартфон. Унинг олд панелида 2 та ва орқа панелида иккита камера модули мавжуд. Бош камера — Sony IMX258 модулининг ҳар бири 13 мегапикселли сурат олади ва улардан бири тасвирни оқ-қора рангда муҳрлайди. Шунингдек, бош камера 6 линзали ва 4K сиғимли видео ёза олади. У 2 тусли LED фоточақноғи билан таъминланган.

Alcatel Flash олд панелида эса 8 МП ва 5 MП 2 та камера модули мавжуд. Унинг оптик прибор ҳажми ҳам f/2.0 ва PDAF фокус функцияси, шунингдек 2 тусли фоточақноқ билан таъминланган. Бош ва олд камера олган суратлар деталларга бой бўлиб, сурат олгандан кейин ҳам манзаранинг асосий нуқтасини белгилаш мумкин.

Alcatel Flash корпуси тўлиқ алюминийдан тайёрланган смартфон 5.5 дюймли Full HD экранга эга. Экран тирналишдан ҳимоя шишаси ва доғга қарши қоплама билан таъминланган. Гаджетга 10 ядроли 2.3 Ггц частота тезлигида ишлайдиган Helio X20 процессори, 3 ГБ тезкор ва 32 ГБ доимий ички хотира ўрнатилган. Хотирани кенгайтириш мумкин. У Android 6.0 Marshmallow операцион тизимида ишлайди. Смартфон 3,100 мА соат электр токи сиғимли аккумулятордан қувват олади. 2 та сим-картали Alcatel Flash алоқанинг WiFi, LTE, Bluetooth, A-GPS тармоқларини қўллаб-қувватлайди.

Alcatel Flash’нинг 300 АҚШ доллари баҳосида сотувга чиқариш режалаштирилмоқда.

Сайт янгиликларидан доимий хабардор бўлиш учун Телеграм каналимизга қўшилинг!