«Алдоқчи» Lenovo Z5 барибир рекорд ўрнатди! Энди Mi 8 ва Honor Play’нинг аҳволини кўринг...

  •   DiMaX
  •  2492
  •  12.06.2018 18:51

«Алдоқчи» Lenovo Z5 барибир рекорд ўрнатди! Энди Mi 8 ва Honor Play’нинг аҳволини кўринг...

Расмий тақдимотидан олдин роса мақталиб шов-шув кўтарилган Lenovo Z5 смартфони эсингиздадир? Уни камида тўртта технология бўйича рекорд ўрнатади, дейишганди, аммо аслида эса...

ЎҚИНГ: Ниҳоят, Lenovo Z5 тақдим этилди: компания барчани лақиллатган экан!

Лекин нима бўлган тақдирда ҳам, ушбу «алдоқчи» смартфон бугун – 2018 йилнинг 12 июнида рекорд ўрнатишга эришди. Гап шундаки, мазкур қурилманинг JD.com онлайн дўконида бугун савдога чиқарилган илк партияси икки дақиқадаёқ сотиб тугатилди! Lenovo Z5 смартфони жуда тез сотилган – бир дақиқадаёқ унга 340 мингта буюртма тушган.

Бундан ташқари, у JD.com интернет-дўконида бугунги якка товарлар орасида рекорд ҳам ўрнатган. Бунда у ўта кучли рақиблар – Huawei Honor Play ҳамда Xiaomi Mi 8 смартфонларини ҳам ортда қолдирган!

Айтиш керакки, Lenovo Z5 бундай натижага ўзининг ҳамёнбоп нархи туфайли эришган. Ахир, ҳатто Хитойда ҳам 200 АҚШ доллари атрофидаги нархга бошқа бунақа смартфон топиш қийин-да!

ЎҚИНГ: Тадқиқот: Хитойда талаб энг юқори смартфонларнинг юртимиздаги нархлари

Сайт янгиликларидан доимий хабардор бўлиш учун Телеграм каналимизга қўшилинг!

DiMaX

Технологияларга қизиқувчи, бу борадаги янгиликларни имкон қадар кузатувчи ва маъқул топганларини бошқалар билан баҳам кўришни ёқтирувчи фрилансер.