Алишeр Усмонов холдинги Тошкентдаги «ИННОПРОМ» кўргазмасида қатнашади

  •   DiMaX
  •  421
  •  02.04.2021 14:59

Алишeр Усмонов холдинги Тошкентдаги «ИННОПРОМ» кўргазмасида қатнашади

Асли ўзбекистонлик бўлган миллиардер Алишер Усмонов бултур «ИКС Холдинг» IT-компаниялар гуруҳини сотиб олган эди. Мазкур ташкилот Тошкент шаҳридаги «ИННОПРОМ» халқаро саноат кўргазмасида иштирок этади, деб ёзади UZZOOM.

ЎҚИНГ: Telegram сотиляпти – уни Алишер Усмонов харид қилиши мумкин

«ИКС Холдинг» кўп тармоқли IТ-гуруҳи 2021 йил 5-7 апрель кунлари Тошкентда бўлиб ўтадиган «ИННОПРОМ: Ўзбекистондаги катта саноат ҳафталиги» халқаро саноат кўргазмасида иштирок этади. Ушбу тадбирда Россия, Ўзбекистон, Қозоғистон, Қирғизистон, Тожикистон, Туркманистон, Афғонистон ва Покистондан саккиз мингдан зиёд давлат органлари ва йирик компаниялар вакиллари иштирок этиши кутилмоқда. Ташкилотчилар – Россия Федерацияси Саноат ва савдо вазирлиги, Ўзбекистон Республикаси Инвестициялар ва ташқи савдо вазирлиги.

«Ўзбекистон Республикаси ва умуман Марказий Осиё минтақаси бизнинг бизнесимиз ривожи ва турли соҳаларда ишлаб чиқаришни рақамлаштириш, қўшма кенг кўламли лойиҳаларни амалга ошириш, юқори технологик маҳсулотлар ва хизматларни ривожлантириш ва қўшма йирик лойиҳаларни амалга ошириш учун катта қизиқиш уйғотмоқдa, – дейди «ИКС Холдинг» вице-президенти Станислав Киселев. – «ИКС Холдинг» улкан экспертиза тўплаган, биз айни дамда уни ушбу бозорда муваффақиятли қўлламоқдамиз. Шундай қилиб, 2019 йилда биз қозоғистонлик ҳамкорлар билан биргаликда Қозоғистоннинг IТ-бозорида шўба корхонасини ташкил қилганмиз, 2021 йил февраль ойида эса Ўзбекистон Республикаси ёқилғи-энергетика комплексини рақамлаштириш бўйича йўл харитасини ишлаб чиқиш лойиҳасини амалга ошириш бошланди. Биз «ИННОПРОМ» халқаро кўргазмаси доирасида холдингимиз технологиялари ва маҳсулотлари дунёсига ва ушбу ҳуҳуддаги бошқа потенциал ҳамкорларига эшикларни очишдан мамнун бўламиз».

ЎҚИНГ: Telegram’даги террорчилар Алишер Усмонов компаниясига қарашли мессенжерга кўчиб ўтишган!

Стендда «ИКС Холдинг» компанияларининг ўз ишланмалари намойиш этилади:

  • YADRО компаниялари: турли хил вазифаларни ҳал қилиш учун TATLIN.UNIFIED ўрта синф корхона сақлаш тизими, совуқ маълумотлар учун юқори зичликдаги TATLIN.ARCHIVE юқори зичликдаги сақлаш тизими ва стандарт х86-64, катта ҳажмдаги маълумотлардан фойдаланадиган иш юклари учун мўлжалланган VESNIN-сервер платформасида қурилган кенгайтириладиган VEGMAN S220 / S320 корпоратив даражасидаги ўртача классдаги сақлаш серверлари;
  • ҳужжатлар билан ишлаш учун сунъий интеллект технологияларига асосланган платформа, барча бэк-офис жараёнларини автоматлаштиради (nlogic компанияси томонидан ишлаб чиқарилган);
  • компаниянинг бизнес-жараёнларини таҳлил қилиш ва самарали бошқариш учун платформа (ИКС Холдинг, USM ва МегаФон компанияларининг қўшма ишлаб чиқаруви);
  • ТALMER компанияси учта маҳсулотни намойиш этади: автоматик тарзда алкоголь буғини аниқлаш тизими (АСОПА), саноат ускуналари учун предиктив таҳлил ва база станциясининг ҳолатини кузатиш тизими;
  • «Гарда Аналитика» ахборот-иқтисодий хавфсизлиги платформаси (ишлаб чиқувчи – «Гарда Технологии»);
  • Махсус билакузуклар ёрдамида меҳнат зичлигини кузатиш тизими (JSA Group томонидан ишлаб чиқилган);
  • Neon-корпоратив интранет-портали.

 Шунингдек, «ИКС Холдинг» мутахассислари «ИННОПРОМ: Ўзбекистонда йирик саноат ҳафталиги» бизнес дастурида қатнашадилар. Холдинг маърузачилари орасида: «Металлоинвест»нинг рақамли трансформацияси директори, «ИКС холдинг» вице-президенти Юлия Шуткина, «ИКС Холдинг» вице-президенти Станислав Киселев ва трансформация бўйича директори Екатерина Земскова.

300 дан зиёд иштирокчи компаниялар «Ўзэкспомарказ» конгресс-кўргазма мажмуаси ҳудудида учрашиб, Россия, Ўзбекистон, Франция, Белоруссия ва Қозоғистондан 200 дан ортиқ экспонентларини намойиш этишади. Кўргазманинг коммукация майдончасида 200дан зиёд бизнес учрашувлар, мавзуга оид сессиялар ва давра суҳбатлари, бизнес лойиҳалар тақдимотлари ташкил этилади.

ЎҚИНГ: «ЮэСэМ Телеком» ва МегаФон Ўзбекистон бозорига кириб келмоқда

Сайт янгиликларидан доимий хабардор бўлиш учун Телеграм каналимизга қўшилинг!