Amazon бепул шутер ўйин чиқаряпти: хусусиятлари, тақдимот куни ва видеоси

  •   DiMaX
  •  739
  •  06.05.2020 13:00

Amazon бепул шутер ўйин чиқаряпти: хусусиятлари, тақдимот куни ва видеоси

Коронавирус пандемияси туфайли карантин шароитида кишилар уйларида қолишлари учун турли ўйин студиялари ўз маҳсулотларини бепул тарқатишмоқда. Масалан, Epic Games иккита – хоррор ва экшен ўйинни 7 майгача текин тарқатяпти.

ЎҚИНГ: Барча смартфонлар учун Forza Street чиқди, лекин Samsung’чиларга алоҳида имтиёзлар бор! (+видео)

Amazon компаниясининг ўйинлар билан шуғулланувчи бўлинмаси Crucible номли онлайн шутер лойиҳаси устида ишлаётгани 2016 йилдаёқ маълум бўлган. Лекин уни геймерларга эндигина тақдим этишяпти – ушбу бепул жанговар ўйиннинг Steam платформасидаги расмий релизи 20 май санасига белгиланган.

Crucible ўйинчиларига ўнта бетакрор персонаж таклиф этилади, лекин жанг олдидан улар учун қуроллар ва қобилиятларни геймернинг ўзи танлай олади. Бу эса жараёнга тасодиф эффектини қўшади: ўша-ўша қаҳрамонлар ўйинлар давомида таниб бўлмас даражада фарқланиши мумкин.

ЎҚИНГ: Энг кутилаётган ўйин – Assassin’s Creed: Valhalla’нинг илк расмий трейлерини томоша қилинг!

Релиз пайтида ўйинчилар учта режимни, шу жумладан «шоҳона жанг»ни ҳам танлашлари мумкин. Одатий вариантлардан фарқли равишда, Crucible ўйинида яшаб қолиш учун жуфтлик бўлиб жанг қилинади. Лекин якунида – уч нафар жангчи қолганида бу иттифоқдошлик бекор қилинади ва ҳар ким ўзи учун курашади.

Crucible ўйинини Amazon’нинг ички студияси – Relentless тайёрлаган; мазкур бўлинма Activision Blizzard, ArenaNet, Electronic Arts ва Xbox ветеранларидан ташкил топган. Ўйинсозлар жамоасига Command & Conquer орқали танилган Westwood студиясининг ҳаммуассиси Луи Касл етакчилик қилмоқда.

ЎҚИНГ: Энг оммабоп ўйин Google Play’га ҳам чиқди – энди бемалол олиб ўйнанг! (+видео)

Хабарларни тез ва осон ўқиш учун Андроид иловамизни сақлаб олинг.