Amazon’нинг наушниклари осудаликни эшиттиради
Шовқин таъсиридан ҳимоя қилувчи гаджетга илк патент олингани ҳақида июль ойида тарқалган хабар кўпчиликнинг эътиборини тортган эди.
Августнинг илк кунларида ушбу патентнинг Amazon’га тегишли экани, компания қўш қулоқчинли шовқиндан ҳимоя қиладиган наушниклар устида ишлаётгани маълум бўлди.
Фойдаланувчи уни тақиши билан ташқи шовқиндан ҳимояланади. Шунингдек, қурилма эгасининг исмини эшитиши билан ҳам дарров фаолиятдан тўхтайди.
Мазкур аудио қулоқчинлар ён-атрофдаги шовқин частотасига зид равишда ишлайди ва фойдаланувчи учун сукутга чўмган осудаликни яратади. Айниқса, самолёт, поездда юрганда бу каби қурилмага эҳтиёж туғилади.
Фойдаланувчи мазкур қурилма фаолиятини махсус тугмалар ва калит сўзлар орқали ҳам назорат қила олади.
Ҳозирча лойиҳа синов жараёнида, унинг амалга ошиш-ошмаслиги қоронғу.
