AMOLED экранли Huawei Enjoy 6 смартфони намойиш этилди

Хитойнинг Huawei компанияси Mate 9 фаблетини тақдимоти арафасида Enjoy 6 номли нисбатан арзон, бироқ кучли техник параметрларга эга бўлган смартфонни тақдим қилди. Смартфонга ўрнатилган AMOLED экран унинг энг муҳим хусусияти ҳисобланади. Бундан ташқари, модель сиғими 4100 мА/соат бўлган йирик батарея билан жиҳозланган.

Huawei Enjoy 6 корпуси поликарбонатдан ишланган, унинг орқа тарафига одатдагидай бармоқ изи сканери жойланган. Моделга диагонали 5 дюймли HD аниқлигидаги AMOLED экран (Хитой смартфонлари учун кам учрайдиган ҳолат), частотаси 1,4 ГГц бўлган MediaTek MT6750 процессори, 3 ГБ оператив ва 16 ГБ доимий хотира ўрнатилган.

Асосий камеранинг аниқлиги – 13 МП (диафрагма f/2.0), олд камераники эса 5 МП. Гаджет Android 6.0 Marshmallow дастурида ишлайди. Иккита  SIM-карта ишини қўллаб-қувватлайди.

Huawei Enjoy 6 ноябрь ойида Хитойда сотувга чиқарилади. Нархи – 192 доллар.