Ана бўлмасам! Nokia 9 PureView’ни сақич қоғози билан бузиб киришди!
Twitter ижтимоий тармоғида яп-янги Nokia 9 PureView смартфонига бузиб кирилган видео эълон қилинди. Телефон фойдаланувчилари бармоқ изи сканерини бузиб киришга муваффақ бўлишган.
Nokia 9 PureView смартфони экранга жойланган бармоқ изи сканерига эга бўлган. Decodedpixe никли Twitter фойдаланувчиси янги қурилмани чайналувчи сақич қоғози ёрдамида блокдан чиқарган видеосини эълон қилди. Аввалига видео муаллифи бармоғи билан смартфонни блокдан чиқарган, сўнг смартфонни ўчириб ва қайтадан ёқиб сақич қоғози воситасида бузиб кирган.
Тармоқ фойдаланувчиларининг айтишича, телефонни коғоз фолгаси ёки бошқа инсон бармоқ изи ёрдамида ҳам блокдан чиқариш мумкин. Ушбу муаммо Android 9 тизими янгиланиши туфайли деб ҳисобланмоқда.
ЎҚИНГ: Nokia 9 PureView фотофлагмани намойиш қилинди – беш модулли камерага эга илк смартфон!
