Ана энди Илон Маск Twitter'нинг ҳақиқий "қироли" бўлди

Илон Маск ўзининг Twitter ижтимоий тармоғида энг кўп кузатувчиларга эга бўлган Барак Обамани тахтдан ағдариб, бу борадаги "қироллик тожи"ни тортиб олди. Айни вақтда Илон Маск 133,389,238 миллион обуначига эга бўлса, Барак Обамада ушбу кўрсаткич 133,010,708 тани ташкил қилади (The Verge орқали).

Албатта, миллиардернинг Twitterъни 44 миллиард долларга сотиб олиши унинг ижтимоий тармоқдаги обуначилари сони ракетадек учишига сабаб бўлган. У ўтган йилнинг июн ойида 100 миллионлик чегарадан ўтган эди ва шундан бери унинг обуначилари сониясига кўпайишда давом этмоқда.

Баъзан кулгили ва баъзан унинг бошини муаммоларга тиқиб қўядиган ҳақоратли мемлар улашиб турадиган Twitter саҳифасида, Илон Маск ўзининг 133.3 миллиондан ортиқ обуначиларига ижтимоий тармоқда бўладиган ўзгаришларга оид янгиликларни эълон қилиш, шу билан бирга, Tesla ва SpaceX янгиликларидан хабардор қилиш учун фойдаланади. Вақти-вақти билан сиз унинг аккаунтида муҳим сўровномалар ўтказилиши гувоҳи ҳам бўлишингиз мумкин, масалан, Доналд Трампни Twitter'га қайтариш ёки ўзининг Twitter бош директорлиги лавозимидан кетишлиги тўғрисидаги каби.

Топ 10

Ҳозирда Twitter'да обуначилари сони бўйича энг кучли ўнталик аккаунтлар рўйхати қуйидагича (2023 йил 2 апрел санасига кўра):

1. Илон Мaск – 133.3 миллион
2. Барак Обама – 133 миллион
3. Жастин Бибер – 132.2 миллион
4. Кети Перри – 108.3 миллион
5. Рианна – 108.2 миллион
6. Криштиану Роналдо – 108.1 миллион
7. Тейлор Свифт – 92.5 миллион
8. Нарендра Моди – 87.5 миллион
9. Доналд Трамп – 87.3 миллион
10. Леди Гага – 84.3 миллион

Ўз платформасида ҳаммадан кўп обуначиларга эга Instagram ижтимоий тармоғидан фарқли ўлароқ, Twitter ўз уйида энг кўп обуначили аккаунтнинг ярмига ҳам бормайдиган кузатувчилар сонига эга – 65.6 миллион.