Android 11’нинг илк бета-талқини саккизта смартфонга расман тақдим этилди!

Google шу пайтгача Android 11 операцион тизимининг бета-версияларини фақатгина дастурчилар учун тарқатиб келаётган эди. Компания бугун – 11 июнга ўтар тунда Pixel смартфонларининг барча эгалари учун унгача янгиланиш имконини берди.

ЎҚИНГ: Android 11’гача биринчи тўлқинда янгиланувчи 129 та смартфон рўйхати чиқди!

Шундай қилиб, қидирув гигантининг қуйидаги русумларга мансуб смартфонлари соҳиблари апдейтни аллақачон «ҳаво орқали» ўрнатиб олишлари мумкин:

1. Pixel 2
2. Pixel 2 XL
3. Pixel 3
4. Pixel 3 XL
5. Pixel 3a
6. Pixel 3a XL
7. Pixel 4
8. Pixel 4 XL

Булар – Android 11 Beta 1 операцион тизим талқинигача расман янгиланадиган гаджетлардир. Яқин орада дастурчилар унинг асосида бошқа смартфонлар учун ҳам норасмий прошивкалар тайёрлашса керак. Масалан, Xiaomi компаниясининг ўтган йил февралда тақдим этилган Redmi Note 7 Pro модели учун шунақа прошивка аллақачон тайёр.

Android 11 тизимининг навбатдаги – иккинчи бета-версияси июлда, учинчиси эса августда чиқади. Операцион тизимнинг якуний талқиндаги тўлақонли тақдимоти бўлса сентябрда ўтказилади.

ЎҚИНГ: Android-смартфонлар эгалари кутаётган функция iPhone’ларга тақдим этиляпти!