Android 2016 йилнинг энг заиф операцион тизими деб топилди

CVE Details агентлиги ўтказган тадқиқотларга кўра, Google компаниясига тегишли Android платформаси 2016 йилнинг энг заиф, хавфсиз бўлмаган операцион тизими деб топилди, дея хабар бермоқда Phonearena нашри. Ўтган йилда мазкур операцион тизимда жами 523 та хато аниқланган.

Apple`га қарашли iOS операцион тизими эса 161 та таг билан рўйхатнинг 15 поғонасидан ўрин олди. Энг қизиғи, 2015 йилда iOS тизими 387 та хато билан рейтингда иккинчи бўлиб келган эди.

CVE Details хабарида айтилишича, 2016 йилга оид рейтингни тузишда мобил операцион тизимнинг барқарорлиги, унинг ташқи ҳужумлардан ҳимояланганлиги, шахсий маълумот ва файлларнинг ишончли сақланиши каби омиллар ҳисобга олинган.

Apple компаниясига тегишли watchOS дастури ҳам бу гал ушбу рейтингдан жой олди (35 ўрин, 77 баг).