Android 7.0 Nougat релизи бошланди

Android 7.0 Nougat релизи бошланди

Аввалроқ  Android 7.0 Nougat релизи 22 августдан бошланиши мумкинлиги ҳақида сайтимизда маълумот берган эдик. Мана, ўша узоқ кутилган кун етиб келди.

Nexus туркумидаги смартфонлар, Pixel C ва General Mobile 4G моделлари 22-августдан бошлаб Android 7.0 Nougat версиясига янгиланадиган илк қурилмалар бўлади. Бу ҳақда androidpolice.com сайти хабар бермоқда.

Android 7.0 Nougat превью версияси шу йилнинг март ойида дастурчилар эътиборига ҳавола қилинган эди. Эндиликда, замонамизнинг илғор смартфонлари ушбу версияга бирин-кетин янгиланишни бошлайди.

Ушбу версия аввалги Android’лардан такомиллашган архивлаш, дисплей элементларининг ҳажмини бошқариш, интернет трафикни тежаш, файлга асосланган шифрлаш, юқори графикани қўллаб-қувватлаш имкониятлари билан ажралиб туради.

Албатта, бундан ташқари, яна бир қатор янгилик ва фойдали функциялар Android 7.0 Nougat версиясига тадбиқ этилган. Бу ҳақда ҳали батафсил тўхталмиз.