Android One смартфони Ўзбекистонда 5 октябрдан сотувга чиқади

Android One смартфони Ўзбекистонда 5 октябрдан сотувга чиқади

Artel заводида йиғилаётган Google Android One смартфонининг савдоси Ўзбекистонда жорий йилнинг 5 октябридан бошланади. Дастлаб, маҳсулот Artelнинг Тошкентдаги фирма дўконларида сотилади. Аппарат нархи ҳозирча маълум қилинмаган.

Эслатиб ўтамиз, мазкур ҳафта бошида Google ва General Mobile компанияси Ўзбекистонда Android One смартфонлари ишлаб чиқарилиши ҳақида хабар берганди. Мазкур алоқа аппарати 5-дюймли IPS-дисплейга эга ва тасвир ҳажми 1280х720. Шунингдек, унга 64-битли 4 ядроли Qualcomm Snapdragon 410 процессори ва Adreno 306 графика назоратчиси ўрнатилган. Қурилма 2 Гб ҳажмли оператив хотира ва қўшимча 16 Гб флеш-карта билан таъминланган.

Аккумлятор қуввати 2500 мА•с ва аппаратнинг орт қопқоғи чарм билан қопланган. Телефон экрани Gorilla Glass 4 оинаси билан ҳимояланган. Олд камера 5-Мп бўлса, асосий камера светодиотли чақноқ (вспышка) билан 13-Мп.

Таъкидланганидек, янги телефон баҳоси ҳозирча ошкор қилинмади. ОАВда ёзилишича, Европанинг баъзи мамлакатларида General Mobile компаниясининг General Mobile 4G номли смартфонлари $260 нархида сотилмоқда, деб ёзади mobinfo.uz сайти.

Хабарларни тез ва осон ўқиш учун Андроид иловамизни сақлаб олинг.